KAEST proksimiĝas

Publikigita Oktobro 3, 2012 de petro666

Dua ĉi-jara aranĝo de E@I (post SES 2012) okazos novembre. La plej proksima  – “Konferenco pri Aplikoj deKAEST Esperanto en  kaj Tekniko” – okazos ekde la 15-a ĝis la 18-a de novembro 2012 en Modra-Harmónia, Slovakio.

La ĉi-jara ĉeftemo estas: “Modernaj edukaj metodoj kaj teknologioj”, tamen estos spaco ankaŭ por alitemaj prelegoj paralele.

Tiuj el vi, kiuj ankoraŭ ne aliĝis, sed interesiĝas pri la aranĝo, bv. viziti la retejon kun detaloj kaj aliĝilo: http://kaest.ikso.net

La programo de KAEST konsistos el kelkaj partoj:

  • prelegoj (en du paralelaj blokoj – ĉeftemaj kaj alitemaj)
  • trejnado (Vikipedio, komputila laboro, metiejoj ks.)
  • fakaj diskutoj (pri certa temo)
  • vespera (neformala) programo (Vingustumado, filmo-prezento, diskutoj ks.)
  • ebla ekskurso (laŭ interkonsento kaj mendo)

Ni kore invitas vin ĉiujn veni kaj ĝui prelegojn, prezentojn, diskuti pri scienco kaj tekniko, praktike ekzerci kaj utiligi novakiritajn sciojn. Kompreneble, ni kun ĝojo bonvenigos viajn kontribuojn, prelegojn pri via fako, scienco. Se vi interesiĝas prelegi dum la aranĝo, menciu tion en via aliĝilo kaj sekve organizantoj kontaktos vin.

Antaŭ la aranĝo samloke okazos eĉ la ILEI-estrarkunsido. Dum KAEST do sekve ankaŭ la ILEI-estraranoj riĉigos la programon per siaj prezentoj/prelegoj.

Aldone: la 16an antaŭtagmeze okazos speciala trejnado pri Vikipedio – kunlabore kun freŝe ĉi-jare fondita organizo “Wikimedia Slovenská republika”, en kiu estas envolvitaj ankaŭ E-istoj. Por la trejnado finance kontribuis per sumo de 600 EUR ankaŭ Wikimedia Foundation.

Bv. sciigi pri la aranĝo ankaŭ viajn konatojn, amikojn, kiuj eventuale povus interesiĝi pri ĝi. Por ke la faka vivo en Esperanto evoluu!

Rigardu fotojn kaj artikolojn el la lasta KAEST

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

KAEST 2012 – retejo kaj aliĝilo jam funkcias!

Publikigita Januaro 10, 2012 de Katjo

KAESTLa plej proksima KAEST – “Konferenco pri Aplikoj de Esperanto en Scienco kaj Tekniko” – okazos ekde la 15-a ĝis la 18-a de novembro 2012 en Modra-Harmónia. La retejo kun aliĝilo ekfunkciis kaj vi povas jam aliĝi.

La ĉijara ĉeftemo estas: “Modernaj edukaj metodoj kaj teknologioj”, tamen estos spaco ankaŭ por alitemaj prelegoj paralele.

La programo konsistos el kelkaj partoj:

  • prelegoj (en du paralelaj blokoj – ĉeftemaj kaj alitemaj)
  • trejnado (Vikipedio, komputila laboro, metiejoj ks.)
  • fakaj diskutoj (pri certa temo)
  • vespera (neformala) programo (Vingustumado, filmo-prezento, diskutoj ks.)
  • eblaj ekskursoj (laŭ interkonsento kaj mendoj)

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Revolucio: “malfermitkoda” scienco

Publikigita Novembro 26, 2009 de Katjo

Laŭ modelo de malfermitkoda (open source) programaro ekevoluas nova paradigmo de sciencaj esploroj en formo de “malfermitkoda”, “libera” scienco. Laŭ John Wilbanks, vicpreŭidento de Science Commons, povas el jena evoluo profiti ĉiuj – sciencistoj, publiko ankaŭ impostpagantoj.

Esenco de la “libera” scienco estas en malfermita aliro al fontoj, ekz. al esplormetodoj, datumoj kaj publikaĵoj, kiuj estas alireblaj por scienca komunumo kun celo ebligi alian evoluon. Temas pri kunlabora kaj transparenta sinteno, kiu plialtigu rapidecon, efektivecon, kvaliton, komunikadon kaj partoprenon de sciencistoj en la tuta mondo.

Unu el la plej gravaj streboj de la libera scienco estas plirapidigo de aliro al informoj, ĉar tradicia publikigado estas malrapida kaj malkomforta proceso, kiu estas ankaŭ multekosta kaj malfacila. Ekzemplo de solvo estas The Public Library of Science (PLoS, La Publika Librejo de Scienco). En jaro 2003 ĝi ekpublikigis du sciencajn gazetojn kun malfermita aliro. Nuntempe estas publikataj jam sep gazetoj.

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone