Nova projekto de E@I batalos informan superŝarĝon

Publikigita Aprilo 1, 2011 de Marek Blahuš

“Se vi pri ĉio informiĝos, vi baldaŭ maljuniĝos” — jam al Ludoviko Zamenhof estis konata tiu ĉi saĝaĵo, kiun li ankaŭ enmetis kiel proverbon n-ro 993.01 en sian Proverbaron Esperantan, aperintan en 1910. Cent jarojn poste, en la interreta epoko, tiu problemo ne malaperis; kontraŭe – en la hodiaŭa tempo de tutmonda komunikado ebligata de la novaj teknologioj kaj vojaĝrimedoj, la tiel-nomata “informa superŝarĝo” fariĝis eĉ temo de sciencaj esploroj. En 2008, la firmao Basex publikigis esploron, laŭ kiu dungitoj pasigas duonon de sia labortempo per ordigado de informoj kaj informa superŝarĝo kostas la usonan ekonomion 900 miliardojn da dolaroj jare.

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Jam 192 milionoj da domajnoj registritaj

Publikigita Februaro 23, 2010 de Katjo

Fine de la jaro 2009 estis en la reto registritaj – komune en ĉiuj domajnoj de la plej alta nivelo – 192 milionoj da domajnoj de la dua nivelo, informis la kompanio VeriSign, administranto de la domajnoj .com kaj .net.

Se ni jenan nombron komparas kun la fino de la jaro 2008, ĝi kreskis je proksimume 15 milionoj da domajnoj, do oni supozas, ke la limon 200 milionoj oni venkos jam ĉijare.

La nombro de la domajnoj .com kaj .net estas kune 96,7 milionoj.

Interesa estas ankaŭ la fakto, ke la 15-an de marto 2010 pasos 25 jaroj ekde la registriĝo de la unua .com domajno symbolics.com.

Do… kion aldoni? Vi ja certe konas la ŝercon:
Anonco en gazeto: “Mi vendos la tutan interreton, registritan sur 100 000 000 DVD-oj. Sen porno sur 2.”

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Laboro per interreto ŝanĝas nian cerbon

Publikigita Novembro 30, 2009 de Katjo

Tiel, kiel multaj homoj alkutimiĝis pasigi longajn horoj ĉe komputilo, multaj sciencistoj observas, kian influon tio havas sur nian cerbon. Elita amerika neŭrologiisto Gary Small asertas, ke laboro per interreto influas nian cerbon pli forte, ol ni pensas.

La neŭrologiisto Gary Small el Kalifornia Universitato en Los Angeles (UCLA) estas aŭtoro de la libro “iCerbo: kiel travivi teknikajn ŝanĝojn de nuntempa pensado”.

Li ĉerpas en la libro el siaj esploroj, kiuj montras, ke ĉiutaga interreta laboro havas sur niajn pensadon kaj konduton multe pli grandan influon, ol ni pensas. Tio koncernas ĉefe junajn homojn.

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Guglo retpoŝton ankoraŭ “ne mortigis”

Publikigita Oktobro 31, 2009 de Katjo

Guglo kreis bazon de platformo, kiu anstataŭigu maljuniĝantan retpoŝton

Laŭ Guglo retpoŝto siajn plej bonajn jarojn jam travivis. Printempe Guglo promesis komunikilon, konstruitan por interreto en la 21-a jarcento. Ĝis nun ĝi ofertis nur interesan teknologion kaj allogan koncepcion.

Laŭ Guglo la retpoŝto ne plu funkcias. Firmao, kiu ŝanĝis manieron de interreta serĉado, pretigas novan revolucion.

Printempe prezentis Guglo projekton Wave – ilon, kiu estas konstruita ĵus por komunikado per nuntempa interreto. Antaŭ kelkaj semajnoj ĝi dissendis unuan ondon de invitiloj kaj pri Wave tiel spertis ankaŭ ordinaraj homoj.

Kio estas malbone pri retmesaĝoj?

Maniero de homa komunikado ŝanĝiĝas. Kun kreskanta tempo pasigita en interreto ŝanĝiĝas ankaŭ maniero de komunikado. Ni volas interparoli en reala tempo, kunhavigi pli kaj pli multe da multmedialaĵoj kaj eluzi servojn de diversaj paĝaroj ankaŭ en normala komunikado. La retpoŝto ne plu sufiĉas.

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Kiel altigi uzeblecon de retpaĝoj je 124%

Publikigita Oktobro 20, 2009 de Katjo

En oktobro 1997 aperigis Jacob Nielsen interesan studon pri uzebleco de retpaĝa enhavo, kies  konkludoj alportas al ni ankaŭ post tiom da jaroj valoran inspiron. Oni testis kvin versiojn de unu retpaĝo. Ĉiuj enhavis la samajn informojn kaj navigilon, diferencoj estis nur en formulado kaj dividado de teksto. Jen ligiloj al unuopaj versioj.

1. klasika reklama teksto – elirpunkto estis longa, por legado en retpaĝo neadapitta teksto, enhavanta multajn reklamajn frazojn.

2. konciza teksto – elirpunkta teksto estis plimallongigita je duono. Uzebleco de la retpaĝo altiĝis je 58%.

3. disdividita teksto – elirpunkta teksto estis dividita per surskriboj kaj bekvadratoj. La uzebleco altiĝis je 47%.

4. objektiva sinteno – subjektive formulitaj reklamaj frazoj estis anstataŭigitaj per neŭtralaj formuloj. La uzebleco de la retpaĝo kreskis je 27%.

5. kombina versio – estis aplikitaj ĉiuj tri modifoj – koncizigo, divido ankaŭ neŭtraleco. Tio alportis al ni plibonigon de la uzebleco entute je 124%.

Kiel oni pritaksis la uzeblecon de enhavo

Ĉe ĉiu versio de la retpaĝo oni konsideris jenajn kvin kriteriojn:

1. kiel longe daŭras al uzantoj trovi respondojn por konkretaj demandoj pri teksto
2. elcento de malĝustaj respondoj por la demandoj el la punkto 1
3. kombinita testo de memoro de informoj el la teksto
4. kiel longe daŭras al uzantoj desegni mapon de la retpaĝo
5. subjektiva kontento de uzantoj kun la retpaĝo

Fonto: sovavsii.cz

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone