Fariĝu staĝanto de E@I!

Publikigita Marto 6, 2012 de Katjo

Ĉu vi studas ĉe universitato en EU, EEA, Svisio aŭ Turkio pri informadiko, kognaj sciencoj, lingvistiko, pedagogio, ĵurnalismo, ekonomio, arto aŭ alia fako?

  • gajnu monon,
  • ricevu studpoentojn,
  • akiru sperton,
  • vivu eskterlande,
  • lernu novan lingvon,
  • kaj helpu al Esperanto!

E@I estas internacia neregistara organizo kiu instigas internacian kunlaboron kaj komunikadon tra la mondo kaj organizas klerigajn projektojn kaj aranĝojn por subteni interkulturan lernadon kaj uzadon de lingvoj kaj interretaj teknologioj. Ĝi estas bazita en Slovakio, sed la laboro okazas en la interreto kaj Esperanto estas la laborlingvo.

E@I-staĝintoj

E@I-staĝintoj

Nuntempe ni serĉas studentojn-esperantistojn, kiuj ŝatus kadre de sia studo pasigi 3 ĝis 12 monatojn laborante por E@I (ĉu en la oficejo en Slovakio, ĉu el eksterlando). La staĝanto ne ricevos salajron de E@I, sed lia staĝo estos subvenciata de la programo “ERASMUS Studenta Movlibereco por Staĝoj”. Por tio la studento devos sukcese peti, helpata de E@I, tiun stipendion de sia universitato, kiu devas esti aliĝinta al tiu programo.* La preciza procedo kaj limdatoj malsamas inter la universitatoj. Plenigi la formularojn postulas nur malmultan laboron, ŝanco gajni la stipendion estas sufiĉe granda. La stipendio estas inter 300 kaj 1000 € monate kaj dependas de la sendanta kaj ricevanta lando, sed estas pli alta ol simila konata stipendio por ERASMUS-studrestado. La E@I-staĝantoj laboru en Partizánske aŭ, laŭ interkonsento, en alia loko de sia elekto. En Partizánske, Slovakio E@I helpos trovi loĝadon; en landoj kun oficiala lingvo alia ol la angla, la germana, la franca kaj la hispana eblas partopreni ankaŭ la “ERASMUS Intensivan Lingvo-Kurson” (EILC).

* Estas nun 5683 tiaj universitatoj; kontrolu la vian ĉe http://tinyurl.com/euc2012 – en la lasta kolumno devas esti skribite “EXTENDED”.

Niaj staĝantoj ankaŭ helpas prezenti la agadon de E@I dum renkontiĝoj, seminarioj kaj konferencoj. Do se esti pagata por partopreni Esperanto-renkontiĝojn estis via revo, vi ĵus trovis la manieron kiel realigi tion! 😉

Por pli da informoj retpoŝtu al E@I-respondeculoj:

Peter Baláž – petro-HELIKO-ikso-PUNKTO-net, aŭ Marek Blahuš – marek-HELIKO-ikso-PUNKTO-net.

Legu pli pri niaj pasintaj staĝintoj

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

lernu.net – kalendaretoj 2012

Publikigita Oktobro 13, 2011 de petro666

Ene de sekvaj tagoj planas E@I kaj lernu-teamo produkti lernu-kalendaretojn (poŝformatajn, 6x9cm) – kiuj havu de unu flanko reklamon, informon pri Esperanto kun adreso de lernu.net, kaj de dua flanko tagojn de 2012 en Esperanto. (vidu aldonitajn bildojn de aspekto sube) Nia celo estas disdonadi tiun kalendareton fine de ĉi-jaro (kaj komence de la sekva) al ekstera publiko (sed ankaŭ al E-istoj).

Nun ni volus presi samtempe pli grandan kvanton de la kalendaretoj, por ŝpari la pres-kostojn (ju pli da ili ni presos, des pli bona prezo estas por ili fine). Tial ni volus proponi al diversaj organizoj, kluboj au unuopuloj antaumendi ankaŭ la kalendaretojn – ili estas taŭga, praktika, malgranda kaj malkosta informilo pri Esperanto.

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Kleriga lundo dum UK

Publikigita Julio 25, 2011 de petro666

Kleriga lundo estas tradicia programo de la Universala Kongreso de Esperanto. Dum la antaŭtagmezo en tri sinsekvaj 90-minutaj blokoj okazas en malsamaj salonoj ĉiam po kvin, do sume 15 prelegoj en Esperanto pri diversaj popularsciencaj temoj – ĉi-jare oni povis kleriĝi ekz. pri la evoluo de poŝtelefonoj, defioj en multlingva tradukado, funkciado de la Unuiĝintaj Nacioj, specifaĵoj de la intergeneracia dialogo, principoj kaj perspektivoj de la Vikipedio aŭ modernaj manieroj disvastigi esperanton elektronike.

Ĝuste la raportadon pri tiuj lastaj du temoj kun sinsekva vigla diskuto kun la ĉeestanta publiko prizorgis la aktivuloj de E@I kiuj ĉeestas la kongreson. Unue matene triopo de estraranoj (Peter Baláž, Marek Blahuš kaj Jevgenij Gaus) prezentis plurajn sukcesajn inciatojn kiuj celas informi la publikon pri esperanto kaj doni al interesiĝantoj la eblon interrete lerni ĝin. Poste en aparta prelego Marek Blahuš parolis pri la reta enciklopedio Vikipedio, okaze de la 10-jara jubileo kiun ĝi festis januare.

Ambaŭ prelegojn partoprenis preskaŭ cento da kongresanoj. E@I-aktivuloj prezentis al ili siajn interretajn projektojn kiel lernu.net, aktuale.info, komputeko.net,  bretaro.net, tradukejo.ikso.net aŭ slovake.eu, sed ankaŭ pri aliaj gravaj retejoj kiel ipernity.com aŭ wikitrans.net. La publikon surprizis la aktualaj ciferoj pri la E@I-projektoj: antaŭ kelkaj semajnoj registriĝis jam la 100.000-a uzanto; ĉiumonate la paĝarojn uzas pli ol 200.000 personoj, kiuj vizitas 3,5 milionojn da paĝoj.

La vikipedia prezento en siaj unuaj 60 minutoj klarigis kiel la enciklopedio stariĝis kaj kiel kaj kial ĝi funkcias; post tio restis spaco por respondi demandojn de la publiko. Iu publikano atentigis pri la graveco de la Vikipedio kiel estara atingaĵo de la esperanto-komunumo, plene komparebla kun la nacilingvaj projektoj kun ŝtata subteno. Tiurilate surprizis la publikon la fakto, ke ĉion ĉi oni ŝuldas grandparte nur al kelkdeko da homoj (administrantoj kaj longtempe aktivaj vikipediistoj) kiuj ĉiutage helpas teni la esperantan Vikipedion aktiva, kvankam tra la dekjara historio jam diverskvante kontribuis al ĝi miloj da unuopuloj. Kelkaj ĉeestantoj profitis la eblecon surloke helpe de la preleganto solvi problemojn kiujn ili renkontis dum redaktado; aliaj venis kun propono enmetigi en la Vikipedion tekstojn pri urboj antaŭe verkitajn okaze de renkontiĝoj. Multan atenton ricevis la projekto WikiTrans, kiu jam maŝine tradukis en esperanton ĉiujn preskaŭ 4 milionojn da artikoloj el la angla Vikipedio. Ili jam estas legeblaj ĉe http://epo.wikitrans.net/ kaj nuntempe oni preparas interfacon por faciligi ilian lingvan reviziadon kaj sekvan envikipediigadon. Defio por lingvistoj tamen ankoraŭ estos esplori, kiom multe tiuj tekstoj estos ŝarĝitaj de sia anglalingva deveno (sintakse, semantike, vidpunkte ktp.) kaj proponi manierojn kiel igi ilin pli internaciaj.

La du kontribuoj de E@I al la Kleriga lundo helpis pli levi atenton pri la organizo, kiu nun prezentiĝas (kune kun ESF) ankaŭ pere de propra budo kiu situas en la enirhalo de la kongresejo. Deĵorantoj (inter ili krom la estraranoj ankaŭ Agnieszka Mozer kaj Erin Piateski) tie disdonas informilojn pri la E@I-projektoj, prezentas E@I-eldonaĵojn kaj akceptas donacojn por la nova kampanjo kiu celas helpi la renovigon de lernu.net kaj la agadon de ESF (Esperantic Studies Foundation) – la ĝis nun plej granda subtenanto de la agado de E@I.

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Komputila lingvistiko dum ILEI-simpozio

Publikigita Julio 23, 2011 de petro666

En Kopenhago, la 23-an de julio matene, kadre de dutaga simpozio aranĝita okaze de la 44-a konferenco de ILEI, Marek Blahuš, estrarano de E@I, enkondukis la publikon en la fakon komputila lingvistiko kaj prezentis 30 interretajn projektojn kiuj traktas la naturajn lingvojn (ofte inkluzive de Esperanto) sur diversaj niveloj: ekde retejoj por sintezi aŭ registri elparolon, tra vortaroj kaj programoj scipovantaj konjugacii verbojn, ĝis maŝina tradukiloj kaj ekspertaj sistemoj ligitaj al datumbazoj de scioj. Lia prelego estis unu el 12 prezentitaj dum la simpozio kiun ĉeestis preskaŭ cento da homoj, plejparte elstaraj esperantistoj kaj esperantistaj sciencistoj, sed ankaŭ kelkaj neesperantistoj el la gastiganta Universitato de Kopenhago, pro kio Esperanto uziĝis kune kun la angla lingvo, plej ofte per interpretado aŭ samtempa prezentado de du tekstoversioj. Sub la gvido de Duncan Charters, prezidanto de ILEI, la ĉeestantoj nun ankoraŭ klopodos formi komunajn simpoziajn konkludojn. La tuta simpozio estis registrita per kamerao kaj la prezentitaj tekstoj kolektitaj por posta publikigo, sed vi jam nun ĉi tie povas gustumi specimenon – la prezentaĵon de Marek Blahuš kiu enhavas multajn utilajn ligilojn al projektoj pri komputila lingvoprilaboro kaj lingvolernado eblas elŝuti ĉi tie: ilei-simpozio-2011-poiome1

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Novaĵoj de la 96-a Universala Kongreso

Publikigita Julio 22, 2011 de petro666

Saluton al ĉiuj el Danio!

La Universala Kongreso en Kopenhago komenciĝos morgaŭ (sabate), kaj ĝin partoprenontaj E@I-estraranoj decidis, ke indus informi pri la aranĝo pere de nia blogo.

Ekde hodiaŭ ni do provos informi (laŭeble ĉiutage) pri aktualaĵoj de la kongreso, pri novaĵoj, interesaj programeroj ktp. Certe ni informos ĉefe pri tiuj, kiujn ni mem partoprenos kaj kiuj rilatas al la agado de E@I – la informoj do ne celas esti iu objektiva superrigardo pri la kongreso kiel tuto. Nia celo estas informi pri nia agado dum la UK, kaj pri la temoj, ĉefe rilataj al “Esperanto kaj Interreto”.

Jam hodiaŭ okazas unua tago de la Simpozio, organizata de ILEI pri lingvaj temoj: “Lingvoj de scienca komunikado kaj edukado”. Ĝi daŭros ĝis morgaŭ tagmeze, do ni provos jam morgaŭ liveri iujn rezultojn de la simpozio kaj freŝajn informojn pri ĝi.

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

21-a jarcento – ĉu la Esperanto-movado pretas?

Publikigita Majo 24, 2011 de petro666

Jen, mi publikigas mian kontribuon por la festolibro por Humphrey Tonkin “La arto labori kune”. Eble ĝi estos por kelkaj homoj interesa legaĵo…
Peter Baláž – E@I-kunordiganto

21-a jarcento – ĉu la Esperanto-movado pretas?

Estu la ŝanĝo, kiun vi volas vidi en la mondo. (M. Gandhi)

Ŝanĝoj – defio, ne minaco

La mondo, almenaŭ ĝia granda parto – kun apero de komputiloj, kaj des pli kun apero de interreto – ŝanĝiĝis. Ĝi startis vojon, kies finon neniu el ni kapablas imagi – se tia vojo entute finon havas. La evoluo, progreso kaj ŝanĝoj, venintaj kun la disvastiĝo de modernaj informaj kaj komunikaj teknologioj (plue en teksto IKT) – ĉio tio ŝanĝis porĉiame la vizaĝon, funkciadon kaj labormanieron de la socio. La mondo, enirante la 21-an jarcenton, ekis novan etapon de sia evoluo.

Vid-al-vide al tiu ĉi enorma evoluo teknika, gravaj demandoj por ni estas: „Ĉu ankaŭ Esperanto-movado pretas por la 21a jarcento? Ĉu la Esperanto-mondo estas preta adaptiĝi al tute alia funkciado, al pli rapidaj agoj kaj modernaj decidoj, al pli efika plenumado de siaj taskoj kaj realigado de celoj? Ĉu esperantistoj kapablas (r)esti aktualaj kaj ĝisdataj?Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Nova projekto de E@I batalos informan superŝarĝon

Publikigita Aprilo 1, 2011 de Marek Blahuš

“Se vi pri ĉio informiĝos, vi baldaŭ maljuniĝos” — jam al Ludoviko Zamenhof estis konata tiu ĉi saĝaĵo, kiun li ankaŭ enmetis kiel proverbon n-ro 993.01 en sian Proverbaron Esperantan, aperintan en 1910. Cent jarojn poste, en la interreta epoko, tiu problemo ne malaperis; kontraŭe – en la hodiaŭa tempo de tutmonda komunikado ebligata de la novaj teknologioj kaj vojaĝrimedoj, la tiel-nomata “informa superŝarĝo” fariĝis eĉ temo de sciencaj esploroj. En 2008, la firmao Basex publikigis esploron, laŭ kiu dungitoj pasigas duonon de sia labortempo per ordigado de informoj kaj informa superŝarĝo kostas la usonan ekonomion 900 miliardojn da dolaroj jare.

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Fariĝu staĝanto de E@I!

Publikigita Decembro 22, 2010 de Katjo

Ĉu vi studas ĉe universitato en EU, EEA, Svisio aŭ Turkio pri informadiko, kognaj sciencoj, lingvistiko, pedagogio, ĵurnalismo, ekonomio, arto aŭ alia fako?

  • gajnu monon,
  • ricevu studpoentojn,
  • akiru sperton,
  • vivu eskterlande,
  • lernu novan lingvon,
  • kaj helpu al Esperanto!

E@I estas internacia neregistara organizo kiu instigas internacian kunlaboron kaj komunikadon tra la mondo kaj organizas klerigajn projektojn kaj aranĝojn por subteni interkulturan lernadon kaj uzadon de lingvoj kaj interretaj teknologioj. Ĝi estas bazita en Slovakio, sed la laboro okazas en la interreto kaj Esperanto estas la laborlingvo.

E@I-staĝanto Marek Blahuš

Marek Blahuš estas la unua staĝanto de E@I, laboranta en Nancio (Francio)

Nuntempe ni serĉas studentojn-esperantistojn, kiuj ŝatus kadre de sia studo pasigi 3 ĝis 12 monatojn laborante por E@I en eksterlando. La staĝanto ne ricevos salajron de E@I, sed lia staĝo estos subvenciata de la programo “ERASMUS Studenta Movlibereco por Staĝoj”. Por tio la studento devos sukcese peti, helpata de E@I, tiun stipendion de sia universitato, kiu devas esti aliĝinta al tiu programo.* La preciza procedo kaj limdatoj malsamas inter la universitatoj, sed la staĝo rajtas okazi inter junio 2011 kaj septembro 2012. Plenigi la formularojn postulas nur kelkhoran laboron, ŝanco gajni la stipendion estas sufiĉe granda. La stipendio estas inter 300 kaj 1000 € monate kaj dependas de la sendanta kaj ricevanta lando, sed estas pli alta ol simila konata stipendio por ERASMUS-studrestado. La E@I-staĝantoj laboru en Bratislavo aŭ, laŭ interkonsento, en alia loko de sia elekto. En Bratislavo E@I helpos serĉi loĝadon; en landoj kun oficiala lingvo alia ol la angla, la germana, la franca kaj la hispana eblas partopreni ankaŭ la “ERASMUS Intensivan Lingvo-Kurson” (EILC).

* Estas nun 5683 tiaj universitatoj; kontrolu vian ĉe http://tinyurl.com/euc2011 – en la lasta kolumno devas esti skribite “EXTENDED”.

Niaj staĝantoj ankaŭ helpas prezenti la agadon de E@I dum renkontiĝoj, seminarioj kaj konferencoj. Do se esti pagata por partopreni Esperanto-renkontiĝojn estis via revo, vi ĵus trovis la manieron kiel realigi tion! 😉

Por pli da informoj alparolu iun el la  E@I-respondeculoj (Peter Baláž, Marek Blahuš), venu al iu el la E@I-programeroj dum JES 2010 aŭ retpoŝtu al marek ĉe ikso punkto net.

Kaze ke vi volus helpi trovi staĝantojn, bv. utiligi aldonitan PDF-version de la artikolo.

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

E@I prezentota dum JES jarfine

Publikigita Decembro 19, 2010 de petro666

Eluzante lastajn tagojn de la jaro 2010 E@I sinprezentos dum JES en Burg, Germanio. Okazos 3 prelegoj de E@I, prezentantaj la agadon de la organizo (vidu sube detalojn).  Aldone estas preparata trejnseminario pri ĵurnalismo, por la lanĉado de la nova projekto www.aktuale.info (ĝi devos ekfunkcii ĝuste dum JES). Jen kelkaj detaloj pri la E@I-programo dum JES – se vi venos tien, nepre vizitu nin:

Moderna ĵurnalismo – trejn-seminario

Ĉu vi volus helpi pli videbligi Esperanto-movadon al ekstera publiko? Ĉu vi ŝatus verki artikolojn pri Esperanto? Ĉu vi pretas ekscii “trukojn”, konsilojn, kiel bone skribi, kiel elekti trafan titolon, kiel verki koncize, tamen inform-riĉe? Ĉu vi emus iĝi kunlaboranto de la nova projekto aktuale.info? Tiukaze nepre partoprenu la trejnseminarion pri modernaĵurnalismo!

Daŭro: 3×90 min. (= 3 tagoj po 2×45 min., kun eta paŭzo inter du sesioj. Datoj: 28., 29. 30.12.)

Enhavo skiza (pli detala aperos antaŭ la aranĝo):

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Organizita E@I 5-jariĝas, kun novaj projektoj kaj staĝanto

Publikigita Novembro 15, 2010 de Marek Blahuš

E@I

Gazetara komuniko de E@I. En Bratislavo kaj Nancio, la 14-an de novembro 2010.

Antaŭ 5 jaroj, la 14-an de novembro 2005, estis ĉe la Ministerio de internaj aferoj de la Slovaka respubliko registrita senprofita neregistara junulara organizo E@I (elparolu “e-ĉe-i”).

Tio estis grava kontribuo al plia profesiiĝo de esperantista laborgrupo, kiu formiĝis jam en la jaro 2000 en Svedio kaj ekde la jaro 2003 estis faka sekcio de TEJO. Por emfazi la ĝeneralan lingve kaj teknologie edukan karakteron kiun ĝi ekhavis, oni al ĝia oficiala nomo E@I krom Esperanto ĉe Interreto atribuis ankaŭ la signifon Edukado ĉe Interreto. Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone