Skajpo lanĉis version 4.0

Publikigita Februaro 4, 2009 de petro666

Video-konversacio per Skype 4.0

Videokonversacio per Skype 4.0

La popularega reta komunikilo skajpo (Skype) promesas kun sia nova, 4-a versio pli da video-kvalito, pli bonan agordon de datum-fluo kaj intuitivan uzadon de la programo. Por nun ekzistas versio uzebla por Vindozo-platformo.

Unua grava ŝanĝo estas prilaboro de video-fluo. Se vi havas sufiĉe fortan komputilon (kun dukerna procesoro kaj interret-konekto kun almenaŭ 400 kbps, eblas atingi tutekranan videon en bona kvalito kun 30 bildoj en sekundo. Do dishakitaj videaĵoj kun malalta distingo devus iĝi jam pasinteco.

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

OpenOffice 3.0 – altkvalita oficejo senpage

Publikigita Januaro 27, 2009 de KuboF

Post trijara programado ni finfine denove havas novan version de populara oficeja programaro OpenOffice.org, nun en versio 3.0. Programistoj de Novell kaj Sun eĉ diras ke ni nun ne bezonas similan MS Office ĉar OOo scipovas anstataŭigi ĝin. Kion novan alportis nova versio? Kiuj ecoj vi uzos kaj de kio povus lerni ankaŭ konkurenco? Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Gravatar – propra avatar’ ie ajn

Publikigita Januaro 20, 2009 de KuboF

Vi certe konas avataron. Jes, la bildeto uzata en tujmesaĝiloj, profiloj je retpaĝaroj kaj forumoj kaj kompreneble ankaŭ je komentoj. Por ke vi havu propran avataron vi bezonas registriĝi. Sed se iu retpaĝaro malebligas registradon aŭ vi volas nur unu foje aldoni komenton kaj forgesi la retpaĝaron? La solvo ekzistas kaj facilas: la Gravatar. Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Microsoft malkaŝis specifon de doc, xls kaj ppt

Publikigita Januaro 18, 2009 de KuboF

Microsoft estis longe kritikata ĉar ĝi malebligis al aliaj firmaoj kaj programistoj vidi kaj uzi originalajn specifojn de oficejaj formatoj doc, xls kaj ppt. Sed kun veno de malfermita formato OpenXML Microsoft finfine malfermis ankaŭ pli malnovajn formatojn. Kiujn avantaĝojn tio alportos? Ĉu pli multan liberecon? Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Fedora Linux 10

Publikigita Januaro 16, 2009 de KuboF

Oni eldonis version 10 de Fedora Linux. Ĝi havas novan grafikan praŝargan sistemon, nomatan Plymouth, kiu plirapidigis la starton de la sistemo. Nova kerno ankaŭ subtenas novan aparataron (ĉefe diversajn retkameraojn), ebligas pli bonan laboron kun presiloj (fizike konektitaj kaj ankaŭ retaj). Instaliloj nove subtenas adaptitan instaladon de aŭdaj/videaj kodekoj/programaroj .

Ankaŭ sekureco pliboniĝis: oni aldonis novan ilon SecTool. El normalaj programaroj Fedora enhavas OpenOffice.org 3.0.0., GNOME 2.24.1, KDE 4.1.2, Thunderbird 2.0.0.17, Firefox 3.0.4 ktp. Vi povas elŝuti gixn de fedoraproject.org.

Fonto: Red Hat

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Nova versio de Word Press en Esperanto

Publikigita Decembro 25, 2008 de Kalle Kniivilä

wpekranoMi uzis la ŝancon dum la kristnaskaj tagoj, kiam mia blogo havas tre malmultajn vizitojn, kaj ĝisdatigis al la nova esperanta versio de Word Press 2.7, elŝutebla ĉi tie.

Ĉio pasis glate, krom unu ĝena detalo. La nomoj de etikedoj kaj kategorioj kun esperantaj kaj rusaj literoj tordiĝis, tiel ke anstataŭ la neaskiaj literoj nun aperas nur demandosignoj. Ne helpas redakti la nomojn aŭ krei novajn – tie same tordiĝas la neaskiaj literoj.

La afero estas por mi iom mistera, ĉar en afiŝoj nenio malbona okazis al esperantaj aŭ rusaj literoj, la problemo aperas nur ĉe kategorioj kaj etikedoj. Espereble mi aŭ iu alia baldaŭ eltrovos la solvon de la problemo.

PS: Ŝajne mi solvis la problemon. La datenbaza tabelo wp_terms ial havis malĝustan indikon pri la parametro collate, kvankam mi ne komprenas, kial tio ne ĝenis antaŭe. Supozeble WordPress ŝanĝis ion pri la agordoj rilate la manieron kiel oni indikas kategoriojn kaj etikedojn en la datenbazo. Post kiam mi ŝanĝis tiun collate al utf8_general_ci, ĉio ekfunkciis. Tamen mi devas mane reentajpi la nomojn de la etikedoj kun esperantaj kaj rusaj literoj, sed ne tro gravas.

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Nova enketo pri influo de la reto fare de EU

Publikigita Decembro 5, 2008 de yves

Europa Komisiono lanchis enketon pri la influo de la reto kaj aliaj modernaj komunikiloj al la lingvo-lernado. En tiu enketo aperas la ebleco indiki, ke oni scipovas Esperanton. Oni povas krome mencii Esperanton ankau en kelkaj lokoj, kie eblas enmeti mallongajn tekstojn – prefere nur, se tio konvenas al la temo, kiun oni intencas komenti.

http://www.ea.gr/ep/survey/

Oni povas elekti inter pluraj respondolingvoj:
deutsch | greka | español | english | français | suomi

Oni bezonas ch. 10 ghis 15 minutojn. Shajne ghis nun ch. mil homoj partoprenis la enketon.

Eventuale multnombra partopreno de Esperanto-parolantoj kontribuos al la mencio de Esperanto en la fina raporto. Tio povus iom helpi al Esperanto, pri kies ekzisto, kulturo kaj launombra parolantaro shajne la EU-komisiono havas ghis nun nur tre nebulajn ideojn. Chiukaze estos supozeble bone por la studo, se partoprenos en ghi ankau homoj el multaj malsamaj landoj, kiuj estas relative spertaj pri lingvolernado. (En la enketilo cetere oni havas la eblecon indiki maksimume du lingvojn aldone al la
gepatra…)

Fonto: retmesagxo de Lu Wunsch-Rolshoven – EsperantoLand – 20081205

Vidu ankau la reagon de Katalin Kovats al la enketo en ipernity.

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

La iam populara portalo Ĝangalo malaperis

Publikigita Novembro 30, 2008 de yves

Definitive malaperis el la reto la iam furora esperantlingva retejo Ĝangalo. La adreso plu ekzistas, sed la enhavo nun estas en la portugala lingvo. La portugala paĝaro anstataŭanta Ĝangalon temas pri la konata Health healthcare exchange premiums are projected to drop dramatically for many Americans due to the competition on the marketplace which is projected help further drive down the rates for all Americans. pola pedagogo Janusz Korczak, kun la anglalingva nomo “Korczak Books”. Rilato al Esperanto ŝajnas tute foresti, se ne kalkuli la fakton, ke la adreso estas posedata de esperantisto.

La tutan artikolon oni povas legi en la interreta movada bulteno Libera Folio

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Libroserva rabato por UEA-membroj ankaŭ rete

Publikigita Novembro 27, 2008 de yves

Jam tradicie la Jarlibro de UEA havis rabatkuponon, kontraŭ kiu la Libroservo de UEA donis al individuaj membroj de UEA 10-procentan rabaton je unu libromendo jare. La Jarlibro 2008 inkluzivis du tiajn kuponojn. Uzante la rabaton eblis parte aŭ plene regajni la pagitan membrokotizon, sed ĉar temis pri paperaj kuponoj, ili ne estis uzeblaj ĉe retaj mendoj. Krome, pro pietato la plej bibliofilaj membroj domaĝis detranĉi paĝon el sia Jarlibro. Tiaj problemoj ne plu ekzistas, ĉar la Libroservo enkondukis retan varianton por la rabatkupono.

Butikumante pere de la reta katalogo ĉe http://katalogo.uea.org/ , individuaj membroj de UEA povas nun indiki ĉe la koncerna demando, ke ili deziras utiligi la 10-procentan rabaton. Necesas mencii sian UEA-kodon, por ke la programo povu kontroli, ke la mendanto efektive estas individua membro. Tiuj, kiuj estas individuaj membroj en 2008, rajtas uzi la rabaton dufoje. Sekve, kiu jam uzis unu rabatkuponon el la Jarlibro 2008, rajtas fari duan rabatitan mendon rete. Kiu tute ne uzis la rabaton, povas do ankoraŭ fari du mendojn kun rabato de 10%. Ĉar la reta rabato estis enkondukita tiel proksime al la jarfino, la individuaj membroj de 2008 rajtos utiligi ĝin ankoraŭ ĝis la 31-a de januaro 2009. Pagante kotizon por 2009 oni denove ricevos rajton je du rabatitaj mendoj. Por la dumvivaj kaj honoraj membroj tiu rajto kompreneble aŭtomate renoviĝas ĉiujare.

La membra rabato ne dependas de la grandeco de la mendo, por kiu oni uzas ĝin. Validas la kutima regulo pri sendokostoj (10% de la mendosumo; minimume EUR 4,00). La sendokostojn kaj, por klientoj en EU-landoj, la aldonvaloran imposton oni kalkulas surbaze de la rabatitaj prezoj. La 10-procenta rabato ne estas kombinebla kun aliaj rabatoj. Se oni mendas minimume 3 ekzemplerojn de iu titolo, la reta mendilo aŭtomate kalkulas pli altan rabaton, t.e. 1/3 por eldonaĵoj de UEA kaj TEJO, kaj 1/6 por aliaj.

Laŭ Gazetaraj Komunikoj de UEA N-ro 308 2008-11-26

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

OpenOffice rapidiĝas

Publikigita Novembro 20, 2008 de slavik

Ruslingva blogo LifeHacker.ru rakontas pri la maniero rapidigi OpenOffice. Kvankam jam multaj homoj scias pri OpenOffice kiel bona senpaga alternativo de MS Office, tute ne ĉiuj aŭdis pri ekzisto de variaĵoj pro OpenOffice. Unu el la „forkoj“ nomiĝas Go-oo kaj celas kreon de pli rapida kaj pli efika OpenOffice.

Samtempe la teamo anoncas pri siaj specialaj valoroj (kreo de pli libera programaro) kaj anoncas sin „developer run meritocracy“ (~ programista meritokratio).

Ankoraŭ ne ekzistas Esperanta lingva pakaĵo por Go-oo, sed supozeble ĝi povus esti facile kreebla surbaze de tiu por OpenOffice. Subtenas la supozon ankaŭ la granda listo de la pretaj pakaĵoj, inter kiuj la lingvoj ĉina, finna, pola, rusa kaj aliaj.

Konatiĝi kun la projekto kaj eble instali ĝin en vian Vindozan aŭ Linuksan maŝinon eblas ĉe Go-oo.org.

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone