Kunsido kun metiejo pri WikiTrans kaj Vikipedio

Publikigita Marto 29, 2013 de petro666

okazos 2013-05-01/05 en Partizánske (Slovakio)

La programo WikiTrans senkoste evoluigata de Eckhard Bick scias traduki el la angla lingvo en Esperanton ĉiujn 4.182.609 artikolojn de la angla Vikipedio. Ili tamen ne povas aŭtomate fariĝi parto de la Esperanta Vikipedio, ĉar necesas poluri ilin lingve kaj teknike. Provlegado de maŝintradukitaj artikoloj povas multe plirapidigi la kreskon de la grando kaj kvalito de Vikipedio en Esperanto, kompare al verkado de novaj.

Tial E@I kaj GrammarSoft serĉas pionirojn pretajn antaŭenigi la ideon – personojn kun sperto pri Vikipedio kaj/aŭ tradukado. De la 1-a ĝis la 5-a de majo okazos en Partizánske (Slovakio) metiejo, kiu praktike instruos kiel kontribui al Vikipedio helpe de WikiTrans. Flanke okazos ankaŭ organiza kaj teknika diskutoj. Partopreno, loĝado kaj matenmanĝoj estos senpagaj, eble pli depende de ricevo de subvencio. Aliĝu retpoŝte ĉe info@ikso.net aŭ informu pri la aranĝo eblajn interesitojn.


Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Internacia konkurso en kiu rolas ankaŭ Esperanto

Publikigita Novembro 11, 2011 de petro666

La projekto pri libera aŭtomata tradukado Apertium (http://www.apertium.org), kie funkcias diversaj tradukiloj el kaj al Esperanto (http://apertium.saluton.dk/?lang=eo), estis elektita por la dua fojo por la konkurso Google Code-In (nur anglalingve).
Apertium staras apud Gnome, FreeBSD, OpenSUSE aŭ KDE inter la 18 projektoj elektitaj de Google por sia konkurso por junaj programantoj inter 13 kaj 17 jaroj. La aranĝo celas instigi ilian partoprenon en オンライン カジノ projektoj de libera/malfermitkoda programaro.
Tamen, ĉar Apertium kunigas programadon kaj lingvon, ĝi proponos multajn taskojn alireblajn por lingvemaj junuloj nenion sciantaj pri programado.
Krome, ĉar en Apertium aktivas pluraj esperantistoj, ĝi proponos dudekon da taskoj rilataj al Esperanto, kiel la kreadon de vortaroj en Apertium-formato surbaze de la Reta Vortaro (http://www.reta-vortaro.de), la plibonigon de la dokumentado en Esperanto kaj pri Esperanto-tradukiloj, la plibonigon de la ekzistantaj Esperanto-tradukiloj kaj la sisteman komparadon de Esperanto kun aliaj lingvoj, helpontan la disvolvon de novaj Esperanto-tradukiloj.
La konkurso komenciĝos la 21 de novembro kaj finiĝos la 16an de januaro.

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Mortis Steve Jobs – fondinto de la firmao Apple

Publikigita Oktobro 6, 2011 de petro666

Merkrede, la 5-an de oktobro mortis pro kancero en Kalifornio kunfondinto de teknologia firmao Apple – Steve Jobs. Li estis nur 56-jaraĝa. Jam en aŭgusto ĉi-jare li rezignis pro sia malsano pri sia posteno de la direktoro ĉe Apple – post 14 jaroj.

Usona prezidento Barack Obama esprimiĝis pri Jobs: “Steve apartenis al la plej bonaj usonaj inventistoj, sufiĉe kuraĝa por kapabli pensi aliel, sufiĉe aŭdaca por pensi, ke povas ŝanĝi la mondon kaj sufiĉe talenta por fari tion.

Steve Jobs naskiĝis en la jaro 1955. Kiel 20-jara li kun Steve Wozniak kaj Ronald Wayne fondis en garaĝo la firmaon Apple. Post nur 12 tagoj vendis sian parton en firmao Wayne al siaj partneroj kontraŭ 800 dolaroj. Nuntempe lia parto havus valoron de 22 milardoj da dolaroj!  Nuntempe havas la firmao valoron pli ol 150 miliardoj da dolaroj kaj fine de junio 2011 ĝi havis sur sia konto pli da kontanta mono (kapitalo) ol tuta usona registaro! (Apple – 75,9 mld., USA – 73,8 mld.)

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Du novaj aprobitaj projektoj de E@I – ĉi-foje lernolibroj

Publikigita Januaro 26, 2010 de petro666

Ĉefpaĝo de la DVD-aldonaĵo al la lernolibro pri informatiko

E@I oktobre 2009 konkursis en Slovakio pri kreado de lernolibroj.
Ĵus (25.1.) venis oficiala konfirmo, ke ĝi gajnis en ambaŭ du konkursoj por krei lernolibrojn por Ministerio de Edukado de Slovaka respubliko.
La lernolibroj profunde rilatas al la agado de  E@I (Edukado@Interreto), nome unua estas pri „Informatiko por abiturientoj“, la alia „Romaa lingvo kaj literaturo por gimnazioj kaj mezlernejoj“.
La enhavon por la unua lernolibro verkos esperantisto-programisto el Slovakio, Viliam Búr. Por la romaa lingvo estas kunlaboro kun la specialisto pri la romaa en la ŝtata pedagogia centro. Por ambaŭ lernolibroj estas planata ankaŭ DVD kun bunta aldona eduka materialo. Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Vindozo 7: Kiam ni finatendos la fontkodon de la instalilo?

Publikigita Novembro 30, 2009 de Katjo

Microsoft prokrastigas reeldonon de la instalilo por Vindozo 7, pro kiu oni la firmaon jam antaŭe kulpigis – pro malobeo de licencaj kondiĉoj.

Origine Microsoft eldonis ilon Windows 7 USB/DVD Download Tool (WUDT) jam oktobre, kiam ĝi ofertis la ilon al uzantoj kiel eblon transporti elŝutitajn ekzaktajn kopiojn (“bildojn”, el la angla disk image) de operaciumo Vindozo 7 al USB aŭ registri ilin sur DVD-n. Tamen antaŭ proksimume du semajnoj la firmao forviŝis ĝin el sia paĝaro, ĉar montriĝis, ke por WUDT estis uzita GPLv2-licenca kodo de malfermitkoda produkto Imagemaster.

“La firmao nun planas reeldoni WUDT iam dum kelkaj venontaj semajnoj,” diris Peter Galli, manaĝero de Microsoft Open Source Community.

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Guglo malkovros sian novan operaciumon

Publikigita Novembro 17, 2009 de Katjo

Google Chrome OS - ekrankopio

Nova operaciumo de Guglo aperu jam dum venontaj tagoj. La firmao informis pri siaj intencoj ĉijare julie.

Pri planata publikigo de laborversio de la operaciumo informis paĝaro TechCrunch.com, kiu apeliĝas pri privataj fontoj el firmao Guglo.

La sistemo laŭdire jam ekzistas, ankaŭ kun unuaj aplikaĵoj, tamen je peliloj necesaj por granda gamo da aparataro ni ankoraŭ atendu. Pri ilia atingebleco zorgu produktistoj.

Kiom multe ĝi similos al Android kaj kion ni povas atendi de ĝi, malkovros nur ĝia aperigo. Pri pli detalaj informoj Guglo ĝis nun avaras.

fonto: pocitace.sme.sk

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Guglo prezentis programadlingvon plifaciligantan evoluigon de aplikaĵoj

Publikigita Novembro 13, 2009 de Katjo

Guglo prezentis novan programadlingvon, kiu laŭ kreinto plifaciligas skribadon de kodo, tamen ne malaltigas potencon de la koncernita aplikaĵo.

La kompanio ekevoluigis la lingvon fine de jaro 2007 kaj kunlaboris pri ĝi ekz. Ken Thompson, aŭtoro de Unikso kaj lingvo B, kiun Dennis Ritchie evoluigis al lingvo C, kaj Rob Pike, membro de teamo en Bell Labs (kiu evoluigas Linukson) kaj kun Thompson kunaŭtoro de plibonigoj por Unikodo kaj UTF-8.

La novaĵo nomiĝas Go, estas open source kaj plibonigas ekzemple administradon de programkomponentoj por ripetata uzado, ekz. bibliotekoj. Ĝi subtenas ankaŭ evoluigon de programoj, uzeblaj en multprocesoraj sistemoj. Guglo mem laŭdire antaŭ prezento de la lingvo longtempe sukcese testis ĝin kaj promesas preskaŭ tujan kompiladon kaj rapidecon kompareblan kun programoj en lingvo C.

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Aperis Vindozo 7, savo por Microsoft

Publikigita Oktobro 23, 2009 de Katjo

Komputila mondo havas ekde hieraŭ novan version de operaciumo Vindozo.

Vindozo 7 aperas modeste

Vindozo 7 aperas modeste

Januaro 2007 kaj malfermo de vendado de Vindozo Vista. En Times Square en New York grimpistoj pendigas el ĉielskrapantoj kun granda ceremonio emblemon de Vindozo, trans stratoj veturas firmaaj busoj kun slogano „Vista? Wow!”.

De Danubo aperis artfajraĵo. „Wow,” ripetas Adela Banášová kun Pyco la sloganon de sistemo dum pompa prezento por ĵurnalistoj. Celo estas entuziasmigi homojn pro novaj funkcioj, kiujn nova sistemo alportas.

La 22-a de oktobro 2009. Microsoft aperigas en rekorda tempo novan operaciumon. Kialo? Trompiĝo kaj maliluziiĝo de uzantoj kaj grandega malsukceso de Vista. Kvar kvinonoj da uzantoj daŭre uzas malnovan Vindozon XP, kiu ĉi-dimanĉe festos la okan naskiĝtagon.

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone