Guglo lernas pli bone rekoni parolon de konkreta uzanto

Publikigita Decembro 20, 2010 de Katjo

La kompanio Guglo alirebligis novan version de sia aplikaĵo Voice Search por Android 2.2+, kiu ebligas enmeti serĉotan esprimon per voĉo. La nova versio plialtigu precizecon de parolrekonado.

Ĝis nun ĉe la parolrekonado (kiu okazis post forsendo de voĉregistraĵo sur Guglo-serviloj) estis uzata por ĉiu lingvo fiksa modelo de parolo, kiu kovris la plej grandan parton de populacio.

La nova versio tamen lernas ankaŭ rekoni parolon de konkreta uzanto. Jam nelonge post aktivigo de personigita parolrekonado venas pliboniĝo, plipreciziĝo de la rekonado.

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Organizita E@I 5-jariĝas, kun novaj projektoj kaj staĝanto

Publikigita Novembro 15, 2010 de Marek Blahuš

E@I

Gazetara komuniko de E@I. En Bratislavo kaj Nancio, la 14-an de novembro 2010.

Antaŭ 5 jaroj, la 14-an de novembro 2005, estis ĉe la Ministerio de internaj aferoj de la Slovaka respubliko registrita senprofita neregistara junulara organizo E@I (elparolu “e-ĉe-i”).

Tio estis grava kontribuo al plia profesiiĝo de esperantista laborgrupo, kiu formiĝis jam en la jaro 2000 en Svedio kaj ekde la jaro 2003 estis faka sekcio de TEJO. Por emfazi la ĝeneralan lingve kaj teknologie edukan karakteron kiun ĝi ekhavis, oni al ĝia oficiala nomo E@I krom Esperanto ĉe Interreto atribuis ankaŭ la signifon Edukado ĉe Interreto. Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Google TV – jam baldaŭ

Publikigita Oktobro 7, 2010 de Katjo

Guglo komencas malkovri pliajn informojn pri sia projekto Google TV. Sur ĝia blogo aperis informo pri la ĵus lanĉita paĝaro, kie estas prezentitaj kelkaj aplikaĵoj aperontaj sur la nova platformo. Ĉi tiun monaton aperu jam produktoj de Sony kaj Logitech baziĝantaj sur Google TV.

Kio estas Google TV?

Google TV kombinas televidon kun malfermeco kaj eblecoj de interreto. Laŭ la kompanio oni per Google Chrome akiros ĉiujn siajn ŝatatajn retpaĝojn kaj oni povos facile moviĝi inter televido kaj interreto. Televidilo iĝu pli multe ol nura televidilo – ĝi povas iĝi bildorigardilo, ludkonsolo, sonlegilo kaj multe pli.

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

HTML 5 – kion eblas krei pere de ĝi?

Publikigita Aŭgusto 20, 2010 de Katjo

HTML5 vs. Adobe Flash estas ofte diskutata temo en retaj portaloj kaj konferencoj. Mi revas jam delonge pri la tempoj, kiam mi povos forĵeti Adobe Flash… 😈 Ŝajnas, ke la feliĉa tago proksimiĝas.

Unu bela artikolo pri tio, kion novan alportas al ni HTML 5 kaj kio estas ĝiaj avantaĝoj, aperis en techdrivein.com. Ĝi prezentas 15 demonstrajn aplikaĵojn skribitajn helpe de HTML.

Ni ne forgesu pri tio, ke evoluo de HTML 5 mem estas ankoraŭ ne finita, do la aplikaĵoj ne estas tute perfektaj. Tamen kiel inspiro kaj instigo lerni pri tio pli multe ili estas bonegaj.

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Facebook vs. realeco (video)

Publikigita Aŭgusto 19, 2010 de Katjo

Antaŭnelonge aperis en slovakaj kaj ĉeĥaj retejoj video sub la nomo Facebook vs. realita (Facebook vs. realeco) kaj tuj iĝis freneze populara. Aŭtoroj de la video estas Ondřej Hejna, Martin Šesták, Viktor Hejna kaj Marek Chaloupka. La videon faris Moving pictures studio en la jaro 2010.

La mallonga, ĉ. 8-minuta video pri tio, kiel aspektus Facebook-dialogoj en reala mondo, estas en la ĉeĥa, do mi faris Esperanto-subtitolojn オンライン カジノ (bedaŭrinde mi ankoraŭ ne malkovris, kiel uzi en ili Esperantajn kromsignojn).

Se vi trovos eraron en la traduko (ĉefe ĉe la preskaŭ netradukeblaj babilejaj “perloj”), bonvolu sendi korekton al mia retpoŝt-adreso.

Fonto: youtube.com, overstream.net

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Plirapidigu vian retumadon kun la aldonaĵo BarTab

Publikigita Junio 17, 2010 de Katjo

Ĉu ankaŭ vi kutimas teni dekojn da folioj en Firefox samtempe malfermitaj? Ĉu ankaŭ vi timas restartigi la retfoliumilon, ĉar reŝarĝado de ĉiuj folioj daŭras tiom longe? Se vi respondis jese, certe interesos vin jena aldonaĵo por la retfoliumilo Firefox.

Kiam estas en la retumilo tro multaj folioj samtempe malfermitaj, povas okazi, ke la retumilo “manĝos” eĉ la tutan ĉefmemoron. Tion vi povas eviti kun la nova aldonaĵo BarTab. Post ĝia instalo retpaĝoj sur malfermitaj, sed neuzataj folioj ŝanĝos sian konduton.

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Anonima retumado – kaŝu viajn privatajn datumojn!

Publikigita Junio 15, 2010 de Katjo

La interreto tute ne estas tiel anonima, kiel ofte ŝajnas al ni. Ĉiuj niaj aktivaĵoj estas facile sekveblaj (kaj ni nekonscie malkovras sufiĉe multe da informoj pri ni) danke al nia unika signo – IP-adreso. Tamen ekzistas pluraj ebloj, kiel igi nian retumadon pli-malpli anonima (en pasinteco ni jam tuŝis ĉi tiun temon en la artikolo pri amasigado de datumoj fare de Guglo kaj en la mencio pri Scroogle). Hodiaŭ ni ofertas al vi pliajn eblojn, kiel protekti siajn privatajn datumojn kaj resti anonima en la interreto. Kvankam preskaŭ ĉiuj menciotaj iloj estas senpagaj, vi pagas por la anonimeco per bedaŭrinde sufiĉe malrapidigita retumado.

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Guglo trairis al nova indekso, serĉrezultoj estos pli aktualaj

Publikigita Junio 15, 2010 de Katjo

Pasintsemajne la kompanio Guglo anoncis, ke finiĝis enkonduko de la nova sistemo de indeksado Caffeine. La ĉefa ŝanĝo estas, ke aktualeco de serĉrezultoj plialtiĝis kaj ke publikitaj informoj aperas en serĉrezultoj multe pli rapide ol antaŭe. La kompanio anoncis, ke la serĉrezultoj estos je 50% pli aktualaj.

Ĝis nun Guglo havis la interreton kaj la indekson dividitan en kelkajn tavolojn, ĉiu el ili ĝisdatiĝis per alia rapideco. Refreŝigo de la ĉefa tavolo daŭris kelkajn semajnojn. En la tempo, kiam oni bezonis ĝisdatigi unu tavolon, necesis analizi la tutan reton. La nova sistemo baziĝas sur analizado de malgrandaj partoj de la reto kaj la indekso estas ĝisdatigata intertempe. Novaj informoj aperos en ĝi jam sekundojn post kiam robotoj trovos ilin.

La nova sistemo ankaŭ ebligas pligrandigi la indekson. La datumbazo Caffeine havas cent mil terabajtojn, ĉiutage centoj da terabajtoj aldoniĝas. Ĉiun sekundon la nova sistemo de indeksado prilaboras centmilojn da retpaĝoj.

fonto: googleblog.blogspot.com

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Ĉu vi enuas?

Publikigita Majo 26, 2010 de Katjo

Eble vi rimarkis, ke omaĝe de la 30-a datreveno de la ludo Pac-man ĝi aperis anstataŭ la Guglo-emblemo en titola serĉpaĝo. Ĝi iĝis tuj sufiĉe populara. Temas pri origina versio de la ludo, eĉ inkluzive de eraroj. Nur la mapo ŝanĝiĝis kaj estis aldonita plurludado. Unu ludanto uzas sagetojn, la dua la klavojn W, S, A, D. La ludo estas en Ĝavoskripto.
Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

La Parolanta Retejo – aŭskultu kaj lernu enrete

Publikigita Majo 17, 2010 de Katjo

Kvankam jena artikolo parolas pri slovaka projekto, kiu servu ĉefe al slovakparolantoj (kaj parte ankaŭ al angloparolantoj), ĝi povas esti utila kaj inspiri ankaŭ parolantojn de aliaj lingvoj.

Kial “parolanta” retejo?

Temas pri la projekto, kiu helpu kaj plifaciligu vivon al nevidantaj aŭ malbone vidantaj interret-uzantoj. La projekton lanĉis la slovaka neprofita organizo SINA Nitra. Ĝia fondinto estas Unio de nevidantaj kaj malbone vidantaj homoj en Slovakio kaj la projekto realiĝas i. a. danke al financa subteno de la Fondaĵo SPP.

“La baza ideo de la projekto estas krei la enretan platformon, kiu al vidhandikapuloj ebligu aliron al larĝa skalo de sonaj materialoj de la plej diversaj orientiĝoj. Jena celgrupo estas handikapita per tio, ke ĝi ne povas plene eluzi ĉiujn avantaĝojn, kiujn alportas interreta komunikado.”

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone