KAEST proksimiĝas

Publikigita Oktobro 3, 2012 de petro666

Dua ĉi-jara aranĝo de E@I (post SES 2012) okazos novembre. La plej proksima  – “Konferenco pri Aplikoj deKAEST Esperanto en  kaj Tekniko” – okazos ekde la 15-a ĝis la 18-a de novembro 2012 en Modra-Harmónia, Slovakio.

La ĉi-jara ĉeftemo estas: “Modernaj edukaj metodoj kaj teknologioj”, tamen estos spaco ankaŭ por alitemaj prelegoj paralele.

Tiuj el vi, kiuj ankoraŭ ne aliĝis, sed interesiĝas pri la aranĝo, bv. viziti la retejon kun detaloj kaj aliĝilo: http://kaest.ikso.net

La programo de KAEST konsistos el kelkaj partoj:

  • prelegoj (en du paralelaj blokoj – ĉeftemaj kaj alitemaj)
  • trejnado (Vikipedio, komputila laboro, metiejoj ks.)
  • fakaj diskutoj (pri certa temo)
  • vespera (neformala) programo (Vingustumado, filmo-prezento, diskutoj ks.)
  • ebla ekskurso (laŭ interkonsento kaj mendo)

Ni kore invitas vin ĉiujn veni kaj ĝui prelegojn, prezentojn, diskuti pri scienco kaj tekniko, praktike ekzerci kaj utiligi novakiritajn sciojn. Kompreneble, ni kun ĝojo bonvenigos viajn kontribuojn, prelegojn pri via fako, scienco. Se vi interesiĝas prelegi dum la aranĝo, menciu tion en via aliĝilo kaj sekve organizantoj kontaktos vin.

Antaŭ la aranĝo samloke okazos eĉ la ILEI-estrarkunsido. Dum KAEST do sekve ankaŭ la ILEI-estraranoj riĉigos la programon per siaj prezentoj/prelegoj.

Aldone: la 16an antaŭtagmeze okazos speciala trejnado pri Vikipedio – kunlabore kun freŝe ĉi-jare fondita organizo “Wikimedia Slovenská republika”, en kiu estas envolvitaj ankaŭ E-istoj. Por la trejnado finance kontribuis per sumo de 600 EUR ankaŭ Wikimedia Foundation.

Bv. sciigi pri la aranĝo ankaŭ viajn konatojn, amikojn, kiuj eventuale povus interesiĝi pri ĝi. Por ke la faka vivo en Esperanto evoluu!

Rigardu fotojn kaj artikolojn el la lasta KAEST

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Kiel Esperanto aldoniĝis en Google Translate

Publikigita Majo 15, 2012 de Marek Blahuš

(tiu ĉi artikolo de Marek Blahuš unue aperis en revuo Esperanto, aprilo 2012, n-ro 1257 (4), p. 78)

Ekde la 22-a de februaro 2012 Esperanto ĉeestas inter la lingvoj subtenataj de Google Translate, la plej konata maŝintraduka programo, senpage uzebla per la interreta adreso http://translate.google.com. La aldono de Esperanto kiel 64-a lingvo surprizis la esperantistojn kaj kaŭzis ondon de entuziasmo, sed ankaŭ kritikon de la kvalito de la produktataj tradukaĵoj. Tamen regas konsento pri tio, ke la paŝo de Google estas grava reklamo por Esperanto kiel vivanta lingvo. Revuo Esperanto akiris ekskluzivajn informojn pri la fono de tiu decido. Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

La reta PIV: revo fariĝis realo

Publikigita Aprilo 12, 2012 de Katjo

La 4an aprilo 2012 estis lanĉita longe atendata projekto – ekfunkciis reta versio de Plena Ilustrita Vortaro de Esperanto (reta PIV). Ĉe la adreso www.vortaro.net nun troveblas plena versio de PIV, kiu nuntempe en la datumbazo havas 16846 artikolojn kaj 47859 variaĵojn de leksikaj unuoj.

La realigo de la reta versio de PIV estas komuna projekto de SAT (kiu disponigis la enhavon) kaj E@I (kiu prizorgis realigon de la teknika laboro kaj zorgis pri la monkolekta kampanjo). Jam en la jaro 2010 komenciĝis la monkolekta kampanjo por kolekti minimume dek mil eŭrojn por pagi ĉiujn bezonatajn laborojn el tiu mono kaj sekve proponi la uzon de la vortaro al ĉiu ajn senpage.

En majo 2011 estis kolektita la bezonata sumo (efektive alvenis eĉ pli da donacoj ol la minimume bezonataj dek mil eŭroj) kaj komenciĝis la reala laboro pri la reta versio de PIV. Post la dekmonata laboro en aprilo ĉi-jara aperis la unua, “beta”-versio de reta PIV ĉe facile memorebla kaj taŭga retadreso: www.vortaro.net

Sed la laboro pri PIV ne finiĝis – la enhavo de PIV konstante pliboniĝos. Ankaŭ teknike ĝi estos konstante plibonigata. La ĉefa strebo estis aranĝi, ke la interfaco de la vortaro estu por la uzantoj kiel eble plej simpla kaj facila. Planataj estas pluraj aldonaj funkcioj, kiuj aperados iom post iom, por ebligi bonan testadon de la tuto. Baldaŭ devos aperi eblo komenti unuopajn vortojn, diskuti ilin, proponi plibonigojn, k. t. p. (iaspeca forumo por ĉiu vorto). Same aldono de bildoj por unuopaj vortoj estas preparata (por ke la vortaro vere iĝu “ilustrita”).

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Por ke niaj infanoj retumadu sekure

Publikigita Marto 29, 2012 de Katjo

fonto: sheeplive.eu

Komputiloj kaj interreto spertis dum la lastaj jaroj nekredeblan ekspansion. Virtuala mondo influas nian ĉiutagan vivon pli multe, ol ni konscias: komunikado per retpoŝto, retaj vendejoj, sociaj retoj, reklamo, komputilaj ludoj, retaj identecoj… Sed apud pozitiva efiko minacas al ni dependeco de retumado kaj de komputilaj ludoj, “ŝtelo” kaj misuzo de nia reta identeco, falsaj paĝaroj intence aspektantaj kiel retejo de nia banko. Ĉiam pli ofte okazas “reta ĉikano”. Kaj unu el la plej endanĝerigitaj grupoj estas infanoj, kiuj renkontiĝas kun komputiloj en pli kaj pli frua aĝo.

Tio igas konscion pri respondeca uzado de interreto pli kaj pli grava. La kompanio InSafe (Eŭropa reto de centroj propagantaj sekuran kaj respondecan uzadon de interreto kaj poŝtelefonaj aparatoj inter junaj homoj) deklaris la 7an de februaro Tago de pli sekura interreto. En la mondo oni celebras la tagon per diversaj aktivaĵoj: oni altigas sciojn de retuzantoj pri sekureco, lernantoj kaj studentoj estas klerigataj pri danĝeroj kaj riskoj de la retumado kaj de la virtuala mondo.

Por ke infanoj uzu komputilon kaj interreton sendanĝere, zorgu unuavice gepatroj. Ni ne celas, ke oni malakceptu la rajton de infanoj pri privateco kaj sekvu ilin kiel ĉashundo, sed ĉefe ĉe etaj infanoj bezonatas certagrada superrigardo. Kiajn rimedojn ni povas utiligi?

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Google Translate jam subtenas Esperanton!

Publikigita Februaro 23, 2012 de Katjo

Grava novaĵo, pri kiu ni tiom longe atendis: hieraŭ, la 22-an de februaro 2012, Guglo aldonis Esperanton al la tradukservo Google Translate kaj igis ĝin tiel 64-a subtenata lingvo. Nun do eblas traduki per la servo kaj tekstojn, kaj retpaĝojn el/al Esperanto, en kombino kun 63 aliaj lingvoj de la mondo.

Kiel oni skribas ĉe oficiala blogo de la servo, la teamo estis vere surprizita per alta kvalito de maŝintradukado por Esperanto. Ju pli multe da disponeblaj tradukoj por la koncernaj lingvoj, despli kvalita maŝintradukado – sed nombro de tradukoj por Esperanto estas sufiĉe malgranda kompare kun lingvoj kiel la germana aŭ la hispana. Por tiuj disponeblas ekzemple 100-oble pli multe da datumoj; por aliaj prilaborataj lingvoj disponeblas simila kvanto de datumoj kiel por Esperanto, tamen ili ne sukcesas atingi kompareblan kvaliton de maŝintradukado. Nu, por ni esperantistoj estas nek novaĵo, nek suprizo, ke Esperanto estas intence konstruita logike por atingi kiel eble plej facilan lerneblecon… Kaj tiu ĉi eco evidente multe helpas.

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

La kunhaviga servo Megaupload ne plu funkcias, ĝiaj posedantoj malliberigitaj

Publikigita Januaro 20, 2012 de Katjo

FBI ĵaŭde vespere blokis Megaupload.com, unu el la plej grandaj servoj por kunhavigado de dosieroj. La populara servo estis akuzita pro malobeo de aŭtorrajtoj, ĉar ĝiaj uzantoj konservas je serviloj ankaŭ kontraŭleĝan enhavon. Per kunhavigado de filmoj kaj alia protektita enhavo oni laŭdire kaŭzis al posedantoj de aŭtorrajtoj damaĝon de duonmiliardo da dolaroj. La akuzantoj nomas tion “megakomploto de tutmonda krimula organizo”.

Kune kun Megaupload.com estis blokitaj ankaŭ rilataj paĝaroj, kiujn funkciigis la hongkonga firmao Megaupload Limited:
Megavideo.com, Megaclick.com, Megaworld.com, Megalive.com, Megapix.com, Megacar.com, Megafund.com, Megakey.com, Megaking.com, Megahelp.com, Megagogo.com, Megamovie.com, Megaporn.com, Megabackup.com, Megapay.com, Megabox.com, Megabest.com
Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Mortis Steve Jobs – fondinto de la firmao Apple

Publikigita Oktobro 6, 2011 de petro666

Merkrede, la 5-an de oktobro mortis pro kancero en Kalifornio kunfondinto de teknologia firmao Apple – Steve Jobs. Li estis nur 56-jaraĝa. Jam en aŭgusto ĉi-jare li rezignis pro sia malsano pri sia posteno de la direktoro ĉe Apple – post 14 jaroj.

Usona prezidento Barack Obama esprimiĝis pri Jobs: “Steve apartenis al la plej bonaj usonaj inventistoj, sufiĉe kuraĝa por kapabli pensi aliel, sufiĉe aŭdaca por pensi, ke povas ŝanĝi la mondon kaj sufiĉe talenta por fari tion.

Steve Jobs naskiĝis en la jaro 1955. Kiel 20-jara li kun Steve Wozniak kaj Ronald Wayne fondis en garaĝo la firmaon Apple. Post nur 12 tagoj vendis sian parton en firmao Wayne al siaj partneroj kontraŭ 800 dolaroj. Nuntempe lia parto havus valoron de 22 milardoj da dolaroj!  Nuntempe havas la firmao valoron pli ol 150 miliardoj da dolaroj kaj fine de junio 2011 ĝi havis sur sia konto pli da kontanta mono (kapitalo) ol tuta usona registaro! (Apple – 75,9 mld., USA – 73,8 mld.)

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Google aĉetis kompanion Motorola Mobility

Publikigita Aŭgusto 18, 2011 de miropiro

Google

Google

Por la majorita partopreno en Motorola Mobility pagis la kompanio Google 12.5 miliardoj de dolaroj. Valoro de akcioj de Motorola ascendis post la komenco de komercado en novjorka borso pli ol 60 procentoj.

Operaciumo Androjd daŭre estos malfermita por aliaj jam tradiciaj produktantoj de poŝtelefonoj (HTC, LG aŭ Samsung). Post la akvizicio tiuj ĉi produktantoj ne estos en tre bona situacio, ĉar kvankam ili daŭre povos uzi Androjdon en iliaj plurfunkciaj poŝtelefonoj, Google fortigis sian pozicion kaj nun la kompanio produktos proprajn plurfunkciajn poŝtelefonojn (ĝis nun Google nur evolius operaciumon por poŝtelefon-produktantoj) kaj tiel povas okazi, ke la Androjdo fermiĝos kaj pri la evoluo zorgos ĉefe Google. La estro de Google, Larry Page, per tiu ĉi aĉeto volas altigi konkurencan kapablon de Google per fortigado de patenta portfolio kontraŭ Microsoft, kiu proksime kunlaboras kun Nokia, kaj Apple, kiu kreas mem siajn produktojn. Google kune kun Motorola aĉetis vere vastan patentan portfolion – sume pli ol 17 000 patentoj kaj 7600 patentaliĝoj. Transakcion konfirmis registaroj de ambaŭ kompanioj, nun oni atendas la reagojn de usonaj kontroloficoj.

Fontoj:

http://mobil.idnes.cz/komentar-google-kupuje-motorolu-android-si-oddechne-f92-/mob_motorola.aspx?c=A110815_174226_mob_motorola_vok
http://ekonomika.idnes.cz/obri-mobilni-akvizice-google-koupi-motorolu-fmv-/eko-zahranicni.aspx?c=A110815_135633_eko-zahranicni_vem
http://www.androidmarket.cz/ruzne/google-kupuje-tvurce-tabletu-a-telefonu-motorola-mobility/
http://www.zive.cz/clanky/google-koupil-motorolu-ostrou-zbran-na-apple-a-microsoft/sc-3-a-158365/default.aspx
http://www.chip.cz/clanky/trendy/2011/08/google-kupuje-motorolu

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Komputila lingvistiko dum ILEI-simpozio

Publikigita Julio 23, 2011 de petro666

En Kopenhago, la 23-an de julio matene, kadre de dutaga simpozio aranĝita okaze de la 44-a konferenco de ILEI, Marek Blahuš, estrarano de E@I, enkondukis la publikon en la fakon komputila lingvistiko kaj prezentis 30 interretajn projektojn kiuj traktas la naturajn lingvojn (ofte inkluzive de Esperanto) sur diversaj niveloj: ekde retejoj por sintezi aŭ registri elparolon, tra vortaroj kaj programoj scipovantaj konjugacii verbojn, ĝis maŝina tradukiloj kaj ekspertaj sistemoj ligitaj al datumbazoj de scioj. Lia prelego estis unu el 12 prezentitaj dum la simpozio kiun ĉeestis preskaŭ cento da homoj, plejparte elstaraj esperantistoj kaj esperantistaj sciencistoj, sed ankaŭ kelkaj neesperantistoj el la gastiganta Universitato de Kopenhago, pro kio Esperanto uziĝis kune kun la angla lingvo, plej ofte per interpretado aŭ samtempa prezentado de du tekstoversioj. Sub la gvido de Duncan Charters, prezidanto de ILEI, la ĉeestantoj nun ankoraŭ klopodos formi komunajn simpoziajn konkludojn. La tuta simpozio estis registrita per kamerao kaj la prezentitaj tekstoj kolektitaj por posta publikigo, sed vi jam nun ĉi tie povas gustumi specimenon – la prezentaĵon de Marek Blahuš kiu enhavas multajn utilajn ligilojn al projektoj pri komputila lingvoprilaboro kaj lingvolernado eblas elŝuti ĉi tie: ilei-simpozio-2011-poiome1

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

21-a jarcento – ĉu la Esperanto-movado pretas?

Publikigita Majo 24, 2011 de petro666

Jen, mi publikigas mian kontribuon por la festolibro por Humphrey Tonkin “La arto labori kune”. Eble ĝi estos por kelkaj homoj interesa legaĵo…
Peter Baláž – E@I-kunordiganto

21-a jarcento – ĉu la Esperanto-movado pretas?

Estu la ŝanĝo, kiun vi volas vidi en la mondo. (M. Gandhi)

Ŝanĝoj – defio, ne minaco

La mondo, almenaŭ ĝia granda parto – kun apero de komputiloj, kaj des pli kun apero de interreto – ŝanĝiĝis. Ĝi startis vojon, kies finon neniu el ni kapablas imagi – se tia vojo entute finon havas. La evoluo, progreso kaj ŝanĝoj, venintaj kun la disvastiĝo de modernaj informaj kaj komunikaj teknologioj (plue en teksto IKT) – ĉio tio ŝanĝis porĉiame la vizaĝon, funkciadon kaj labormanieron de la socio. La mondo, enirante la 21-an jarcenton, ekis novan etapon de sia evoluo.

Vid-al-vide al tiu ĉi enorma evoluo teknika, gravaj demandoj por ni estas: „Ĉu ankaŭ Esperanto-movado pretas por la 21a jarcento? Ĉu la Esperanto-mondo estas preta adaptiĝi al tute alia funkciado, al pli rapidaj agoj kaj modernaj decidoj, al pli efika plenumado de siaj taskoj kaj realigado de celoj? Ĉu esperantistoj kapablas (r)esti aktualaj kaj ĝisdataj?Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone