Neĝtabulumado en Malaltaj Tatroj

Publikigita Februaro 5, 2015 de Anna Liszewska

Finon de januaro laborantoj kaj volontuloj de E@I pasigis kune en la slovaka montara vilaĝeto Liptovský Ján. Dum kvar tagoj ni aktive ripozis per sportumado kaj diversaj aliaj aktivaĵoj. Bonŝance neniu rompis siajn krurojn kaj ĉiuj feliĉe revenis hejmen. :)

DSCN8172

Neĝtabulistoj pretaj por leciono :)

Ĉefa programero dum niaj ferioj estis neĝtabulado. Duono de E@I-anoj neniam antaŭe neĝtabulis, kelkaj havis jam ian sperton. Se iu volis, povis elekti ankaŭ skiadon. Dum unuaj du tagoj ni havis instruistinon, kiu montris al ni, kiel uzi neĝtabulon kaj kiel movi niajn genuojn kaj piedojn.

DSCN8212

La nunaj 4 volontuloj en E@I (Ania, Alberto, Matthias, Rasmus).

 

Ni komencis je malalta, sed sufiĉe akra monteto. Kvankam mi aĉetis artikoprotektilojn, ĉiutage mi ekhavis multajn novajn ekimozojn post ofta falado sur neĝo. Poste ni ŝanĝis monteton al iom malpli akra, sed kun skilifto, do ni povis ankaŭ eklerni kiel ĝin uzi. Kaj tio entute ne estas tiel facila, kiel aspektas, almenaŭ ne je la komenco.

DSCN8197

La naturo de Malaltaj Tatroj vintre vere belegas.

Sed neĝtabulumado ne estis nia nura okupo dum tiu plilongigita semajnfino. Ni ankaŭ vizitis la akvoparkon Tatralandia, kie eblas naĝi en diversaj basenoj kun termala aŭ mara akvo, uzi toboganojn aŭ simple kuŝi en tropikaj temperaturoj kaj ripozi rigardante belegan montaran pejzaĝon de slovakaj Tatroj kovritaj per neĝo.

DSCN8085

Ripozitaj post naĝado, ni “krokodilis” :)

Tio ne estis fino de niaj aktivaĵoj. Antaŭ naĝado en Tatralandia ni vizitis ankaŭ apudan aerodinamikan tunelon, kie ni povis flugi kiel birdoj. Unue ni devis vesti specialajn supertutojn, kaskojn, okulvitrojn kaj partopreni trejnadon. Poste ĉiuj dum du minutoj povis eksenti sin kiel paraŝutistojn, kiuj ĵus saltis el aviadilo.

DSCN8073

La flug-teamo de E@I post sukcesa paraŝuta salto en la aer-turbino.

Por kuraĝuloj estis ankaŭ tre interesa ekskurso al Ursa Kaverno, kie gvidis nin Ján Vajs. Mi persone jam vizitis kelkfoje kavernojn, sed kutime malpli grandajn. Granda avantaĝo de nia ekskurso estis spertulo kiel Ján Vajs, kiu perfekte konas historion de la kaverno kaj ĉiujn ĝiajn sekretojn. Ene ni vidis ankaŭ stalagmitojn, stalaktitojn kaj kelkajn dormantajn vespertojn.

DSCN8116

Vintra Liptovský Ján el la rigardturo.

Mi tre ŝatas montojn, ankaŭ kavernojn, do por mi tio estis tre interesaj tagoj plenaj je multaj interesaj atrakcioj. Pro mia mallerteco eble mi ne havas ian specialan talenton en neĝtabulado, sed eĉ tia nespertulo kiel mi havis ŝancon ekkoni novan sporton kaj ĝui vintran veteron.

DSCN8178

Neĝtabulumi sur freŝa neĝo? Bonega matena sporto.

 

Ania Liszewska

E@I-volontulino

Facebook Twitter Google + Google Bookmarks Digg Reddit del.icio.us

lernu.net – kalendaretoj 2012

Publikigita Oktobro 13, 2011 de petro666

Ene de sekvaj tagoj planas E@I kaj lernu-teamo produkti lernu-kalendaretojn (poŝformatajn, 6x9cm) – kiuj havu de unu flanko reklamon, informon pri Esperanto kun adreso de lernu.net, kaj de dua flanko tagojn de 2012 en Esperanto. (vidu aldonitajn bildojn de aspekto sube) Nia celo estas disdonadi tiun kalendareton fine de ĉi-jaro (kaj komence de la sekva) al ekstera publiko (sed ankaŭ al E-istoj).

Nun ni volus presi samtempe pli grandan kvanton de la kalendaretoj, por ŝpari la pres-kostojn (ju pli da ili ni presos, des pli bona prezo estas por ili fine). Tial ni volus proponi al diversaj organizoj, kluboj au unuopuloj antaumendi ankaŭ la kalendaretojn – ili estas taŭga, praktika, malgranda kaj malkosta informilo pri Esperanto.

Legi plu…

Facebook Twitter Google + Google Bookmarks Digg Reddit del.icio.us

UNUA KINO-FESTIVALO EN ESPERANTO

Publikigita Majo 23, 2011 de petro666

Krea unuiĝo „Filmoj sen limoj“ ĝojas prezenti al vi freŝan unikan kulturan eventon. Temas pri la unuaEsperanta kinofestivalo, kiu okazos de la 10-a ĝis la 13-a de julio 2011 en San-Paŭlo, Brazilo dum TAKE.

La oficiala retejo de kinofestivalo estas kinofestivalo.org. La Kinofestivalo konsistos el du programoj: konkursa kaj nekonkursa.

Ĉiu ajn povas partopreni la konkursan programon kaj gajni premion: unu el 5 iPod Touch 4gen. La informa filmeto pri konkurso: vimeo.com/21927597 La nekonkursan programon partoprenos filmoj, kiuj estas ligitaj kun Esperanto kaj ankaŭ premiitaj filmoj kun voĉtraduko kaj subtekstoj el la internacia lingvo.

Partoprenu la konkurson, rakontu pri ĝi al viaj amikoj, kunlernantoj, esperantistoj kaj ĝuu la filmojn.

Legi plu…

Facebook Twitter Google + Google Bookmarks Digg Reddit del.icio.us

Facebook aŭtomate markos vin sur fremdaj fotoj

Publikigita Decembro 20, 2010 de Katjo

Kiam vi alŝutas foton al Facebook, vi povas marki sur ĝi unuopajn personojn aŭ nin mem. Ĝis nun la informon pri tio, kiuj personoj troviĝas sur la foto, devis aldoni FB-uzantoj mem. Tio jam baldaŭ ŝanĝiĝu.

Pasintsemajne la kompanio anoncis, ke pri jena (ĉe granda kvanto de fotoj sufiĉe teda) laboro zorgos roboto. La roboto aŭtomate markos personojn sur fotoj.

Legi plu…

Facebook Twitter Google + Google Bookmarks Digg Reddit del.icio.us

Google TV – jam baldaŭ

Publikigita Oktobro 7, 2010 de Katjo

Guglo komencas malkovri pliajn informojn pri sia projekto Google TV. Sur ĝia blogo aperis informo pri la ĵus lanĉita paĝaro, kie estas prezentitaj kelkaj aplikaĵoj aperontaj sur la nova platformo. Ĉi tiun monaton aperu jam produktoj de Sony kaj Logitech baziĝantaj sur Google TV.

Kio estas Google TV?

Google TV kombinas televidon kun malfermeco kaj eblecoj de interreto. Laŭ la kompanio oni per Google Chrome akiros ĉiujn siajn ŝatatajn retpaĝojn kaj oni povos facile moviĝi inter televido kaj interreto. Televidilo iĝu pli multe ol nura televidilo – ĝi povas iĝi bildorigardilo, ludkonsolo, sonlegilo kaj multe pli.

Legi plu…

Facebook Twitter Google + Google Bookmarks Digg Reddit del.icio.us

HTML 5 – kion eblas krei pere de ĝi?

Publikigita Aŭgusto 20, 2010 de Katjo

HTML5 vs. Adobe Flash estas ofte diskutata temo en retaj portaloj kaj konferencoj. Mi revas jam delonge pri la tempoj, kiam mi povos forĵeti Adobe Flash… :twisted: Ŝajnas, ke la feliĉa tago proksimiĝas.

Unu bela artikolo pri tio, kion novan alportas al ni HTML 5 kaj kio estas ĝiaj avantaĝoj, aperis en techdrivein.com. Ĝi prezentas 15 demonstrajn aplikaĵojn skribitajn helpe de HTML.

Ni ne forgesu pri tio, ke evoluo de HTML 5 mem estas ankoraŭ ne finita, do la aplikaĵoj ne estas tute perfektaj. Tamen kiel inspiro kaj instigo lerni pri tio pli multe ili estas bonegaj.

Legi plu…

Facebook Twitter Google + Google Bookmarks Digg Reddit del.icio.us

Facebook vs. realeco (video)

Publikigita Aŭgusto 19, 2010 de Katjo

Antaŭnelonge aperis en slovakaj kaj ĉeĥaj retejoj video sub la nomo Facebook vs. realita (Facebook vs. realeco) kaj tuj iĝis freneze populara. Aŭtoroj de la video estas Ondřej Hejna, Martin Šesták, Viktor Hejna kaj Marek Chaloupka. La videon faris Moving pictures studio en la jaro 2010.

La mallonga, ĉ. 8-minuta video pri tio, kiel aspektus Facebook-dialogoj en reala mondo, estas en la ĉeĥa, do mi faris Esperanto-subtitolojn (bedaŭrinde mi ankoraŭ ne malkovris, kiel uzi en ili Esperantajn kromsignojn).

Se vi trovos eraron en la traduko (ĉefe ĉe la preskaŭ netradukeblaj babilejaj “perloj”), bonvolu sendi korekton al mia retpoŝt-adreso.

Fonto: youtube.com, overstream.net

Facebook Twitter Google + Google Bookmarks Digg Reddit del.icio.us

Videokonferenco por 5 homoj

Publikigita Majo 14, 2010 de Katjo

Ĉu vi bedaŭras, ke Skajpo ne ebligas al ni grupajn videokonversaciojn? Se jes, provu la testan version de la komunika kliento Skajpo en la versio 5.0. Por komputiloj kun la operaciumo Windows XP kaj pli nova ĝi ofertas la eblecon konektiĝi kun eĉ 4 amikoj samtempe. Tamen nur se vi havas sufiĉe rapidajn komputilon kaj interret-konekton.

Ĝis nun la funkcio estas je dispono nur por Vindozo, ĉu en estonteco venos la versio por aliaj operaciumoj, oni ne scias.

La instalpakaĵo troveblas ĉi tie.

fonto: skype.com

Facebook Twitter Google + Google Bookmarks Digg Reddit del.icio.us

Traduku realan mondon helpe de Google Goggles

Publikigita Majo 13, 2010 de Katjo

Vojaĝado en alian landon povas esti belega travivaĵo. Tamen, povas esti malfacile plene ĝui la travivaĵon, se vi ne konas lokan lingvon. Ekzemple jam nura legado de manĝokarto povas iĝi malagrable problema afero. Tial Guglo alportas al vojaĝantoj novan utilan funkcion. Por ĝi ne estu problemo traduki ekz. alilingvajn surskribojn sur informtabeloj, afiŝoj aŭ en manĝokartoj.

La funkcio estas je dispono en nova versio de la aplikaĵo Google Goggles 1.1, kies tasko estas kunigi fotilon de poŝtelefono kun interreto. La servo estas disponebla en aparatoj kun Android en la versio 1.6. Ĝis nun la servo Google Goggles ebligis ekz. rekoni fotojn de konstruaĵoj, librojn, artaĵojn, kontaktinformojn, logotipojn ktp.

Legi plu…

Facebook Twitter Google + Google Bookmarks Digg Reddit del.icio.us

Facebook – pligrandigo de fotoj je 42%

Publikigita Marto 12, 2010 de Katjo

La socia reto Facebook pligrandigis la maksimuman grandecon de alŝutitaj fotoj. Ĝis nun ĝi aŭtomate malgrandigadis la fotojn tiel, ke ilia pli longa flanko havu 604 rastrumerojn, tamen nun estas la limigo jam 720 rastrumeroj. Do la entuta areo de foto kreskos je 42 %.

La ŝanĝo tamen koncernas nur novajn fotojn, la antaŭe alŝutitaj aperos plu sen iu ŝanĝiĝo. Laŭ statistikoj de ĉi tiu socia reto ĝiaj datumbazoj kreskas ĉiumonate je 3 miliardoj da fotoj, ĉiumonate estas kunhavigataj 5 miliardoj da ligiloj, notoj, fotoalbumoj ktp. kaj kreataj 3,5 milionoj da eventoj.

Se vi deziras vidi plurajn statistikojn de Facebook, vizitu jenan paĝon.

Jen por komparo ekrankopio de Facebook dufoje kun la sama foto – alŝutita antaŭ kaj post la ŝanĝo:

Facebook Twitter Google + Google Bookmarks Digg Reddit del.icio.us