Esperanto (mis)uzita en nova filmo

Publikigita Oktobro 25, 2009 de petro666

Street Fighter: The Legend of Chun-Li (Strata batalanto: La legendo de Chun Li) – estas plua filmo, en

Ĉu malreklamo por Esperanto?

Ĉu malreklamo por Esperanto?

kiu oni uzas Esperanton – ĉi-foje fakte eluzante nur ĝian nomon. Bedaŭrinde, en tiu ĉi kazo oni uzas ĝin por malnobla celo – “Esperanto security” nomiĝas firmao de la ĉefa negativa persono de la filmo.

Tiu ĉi filmo estas dua filmo de la “Street Fighter”-serio de video-ludoj.

(En la unua “Street Fighter”-filmo el la jaro 1994 ludis ankaŭ fama Jean Claude van Damme. Interesa estas, ke ankaŭ en tiu ĉi unua filmo oni uzis Esperanton –  aperas pluraj signoj kaj ŝildoj surstrate, same kelkaj fonaj paroloj kaj eĉ la kanto-himno sonas en Esperanto.)

Kovrilo de DVD

Kovrilo de DVD

Nuna, dua filmo priskribas la lud-rolulinon Chun-Li, kiun en filmo ludas Kristin Kreuk. Rakonto sekvas personan historion de Chun-Li kaj ŝian vojon al justeco.

La filmo okazas en Bankoko, kie la ĉefa sentaŭgulo planas per sia firmao regi la urbon kaj konstrui mega-palacojn, domegojn por riĉuloj, forigante malriĉulojn de iliaj domoj kaj urbo-partoj. En filmo spekteblas pluraj batal-scenoj, ĉar ja video-ludo temis ĝuste pri tio.

La filmo ricevis ĉefe negativajn kritikojn.

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Alia socia reto eblas

Publikigita Oktobro 20, 2009 de slavik

La plej populara rusia socia reto vKontakte (vK) iĝis internacia. Certe jam antaŭe eblis registri sin en ĝi el eksterlando, sed ekde ĉi-oktobro la reto estos reklamata internacie kiel plurlingva sistemo.
Elekto de lingvoj ĉe registriĝoIom simila al Facebook, vKontakte estas pli „facila“ por retumilo (laŭ mia sperto de ne tre fortika komputilo), enhavas malpli da reklamo. La ĉefa funkciaro estas certe pri amikumo: kiuj estas viaj amikoj, al kiaj renkontiĝoj ili iras (kaj ĉu vokas ankaŭ vin), multo estas farata por aktivigi grupan laboron — interalie, rusiaj E-kluboj kaj teamoj de E-eventoj aktive uzas vKontakte por siaj bezonoj.

Socia reto vK estas eble la plej granda mirinda sukceso de ruslingva Interreto: ĝi havas pli ol 40 milionojn da uzantoj kaj funkcias kiel la ĉefa aŭd-vida rethotelo por kelkaj grandaj landoj de eksa Sovetunio. Nur tri jarojn antaŭe vK startis kiel iniciato de kelkaj studentoj de la Peterburga Ŝtata Universitato, kaj lavange populariĝis.

vKontakte jam atingeblas en bona traduko al pli ol dek lingvoj, inter ili la movade gravaj hungara, ĉina, japana, pola, portugala kaj aliaj. Ekde la komenco, tiun ĉi socian reton distingis racia uzo (aŭ ĉu simple neuzo) de crowdsourcing (puŝo de laboro al amasoj de uzantoj). Tio tre pozitive influis la kvaliton.

Vi ne bezonas ŝanĝi vian preferatan socian reton favore al vK tuj aŭ iam, sed certe estas bona kromservo por uzi inter la aliaj. Cetere, vK ebligas senliman interŝanĝon (rememoru Ipernity kaj aliajn) de fotoj kaj filmetoj.

Jen ligo al registriĝo »»»

Post registriĝo nepre trovu la grupon „Esperanto parolata“ (uzu la serĉokampon en la supro de la interfaco) kaj aliĝu (ligilo dekstre sub emblemo). En tiu grupo vi jam nepre trovos multajn Esperantajn konatojn, aktivulojn de E@I kaj TEJO. Ĝis baldaŭaj belaj renkontoj!

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Nova E-retejo pri E-filmoj

Publikigita Junio 21, 2009 de petro666

www.filmoj.net – facila, sed trafa nomo por retejo, kies celo estas okupiĝi pri filmoj en Esperanto. La retejo estas projekto de REJM (Rusia Esperantista Junulara Movado), sub la gvido de Aleksander Osincev.

Jen kion diras la kreantoj mem pri la retejo:

“Vi trafis la blogon, kiu kolektas filmojn, originale kreitajn en Esperanto, filmojn subtekstigitajn kaj voĉigitajn en la lingvo internacia. Jam nun mi diras al vi, ke ni ne deliktas iujn aŭtorajn rajtojn kaj ni ne planas tion fari. Ĉiuj filmoj anoncataj ĉi tie estas reklamaj, certe estas tre konsilinde, ke vi aĉetu filmojn kaj spektu ilin kun niaj subtitoloj.

Nia celo estas utiligi Esperanton en ĉiutaga vivo, kreante la kulturon.”

Certe do bonveniga projekto, kiu espreble evoluos kaj la filmo-kulturo en Esperanto (ĉu teme pri originalaj aŭ subtekstigitaj filmoj) povos pliriĉiĝi danke al ĝi.

span.jajahWrapper { font-size:1em; color:#B11196; text-decoration:underline; } a.jajahLink { color:#000000; text-decoration:none; } span.jajahInLink:hover { background-color:#B11196; }

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Jaro 2019 laŭ Microsoft

Publikigita Marto 14, 2009 de petro666

Sian imagon pri la mondo post 10 jaroj – en 2019 decidis filme prezenti teamo de Microsoft Office Labs. Kunligu profesiulojn de “Hi-Tech” mondo kun la buĝeto de kinofilmo kaj vi ricevos vizion de estonteco, kiun certe kelkaj el ni jam ŝatus havi tuj :).

Esprimo "labortablo" ricevos baldaŭ sian veran signifon.

Esprimo "labortablo" ricevos baldaŭ sian veran signifon.

Video kun facila kaj trafa nomo “2019” malkaŝas bildon de ebla proksima estonteco kaj teknologioj, kiuj iom post iom eniru nian ĉiutagan vivon. La filmon prezentis dum lasta konferenco estro de merkata divizio de Microsoft  – Stephen Elop.

Certe kelkaj prezentitaj “mojosaĵoj” estos bonaj, utilaj helpiloj en ĉiutaga vivo en proksima estonteco. Ni do post 10 jaroj vidu, kio ĉio de la filmo realiĝos ĝis tiam kaj pri kio ni daŭre devos atendi kelkajn pliajn jarojn … Ĉiukaze aspektas kiel interesa estonteco. Ni nur esperu ke ĝi ne estos tuta sub licencoj de “Fenestroj” kaj tamen restos spaco por liberaj platformoj (kiuj laŭprognoze devus tamen kreski).

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Ĉu Windows 7 aŭ KDE 4?

Publikigita Februaro 15, 2009 de KuboF

Chris Duckett kaj Alex Serpo de la retpaĝaro ZDNet Australia faris etan eksperimenton. Ili iris tra la stratoj de Sydney kun portebla komputilo kaj montradis al homoj novan version de KDE 4. Sed ili diris ke ĝi estas nova testa versio de Windows 7. Tiu ĉi esplorado montris ke homoj malŝatas na Windows Vista, kaj ke la montrita sistemo aspektas pli bele kaj simple. Interesaj estas ankaŭ respondoj al demando ĉu homoj ŝanĝos sian nuntempan Vindozon kaj ekuzos la montritan “Vindozon”: “Certe, ĝi aspektas simile al Apple.” aŭ “Jes, ĝi aspektas pli simple.Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Vendrede la 13-an UNIX-a tempo atingos la limon 1234567890

Publikigita Februaro 10, 2009 de KuboF

La 13-an de Februaro 2009 je 23:31:30 GMT, do post malpli ol unu semajno, UNIX-a tempo atingos la limon 1234567890. UNIX-a tempo estas tempo en sekundoj de 1.1.1970 0:00 UTC (Coordinated Universal TimeUniversala Tempo Kunordigita) sen supersekundoj. Vi ankaŭ povas viziti la retpaĝon coolepochcountdown.com por vidi precizan UNIX-an tempon.
Se ĉio pretos bone eble Debian GNU/Linux Lenny havos belegan tempon de naskiĝo.

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Microsoft malkaŝis specifon de doc, xls kaj ppt

Publikigita Januaro 18, 2009 de KuboF

Microsoft estis longe kritikata ĉar ĝi malebligis al aliaj firmaoj kaj programistoj vidi kaj uzi originalajn specifojn de oficejaj formatoj doc, xls kaj ppt. Sed kun veno de malfermita formato OpenXML Microsoft finfine malfermis ankaŭ pli malnovajn formatojn. Kiujn avantaĝojn tio alportos? Ĉu pli multan liberecon? Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone