GodMode – ĉu kaŝita funkcio en Vindozo?

Publikigita Januaro 11, 2010 de Katjo

En Vindozo 7 kaj Vista estis malkovrita funkcio GodMode (“Dia reĝimo”) – ĝi ebligas al vi ŝanĝi ĉiujn agordojn de Agordilaro el unusola loko.

Sufiĉas krei ie novan dosierujon kaj nomi ĝin tiel:
GodMode.{ED7BA470-8E54-465E-825C-99712043E01C}

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Programisto elkalkulis Pi je rekorda nombro de postkomaj ciferoj per unusola komputilo

Publikigita Januaro 6, 2010 de Katjo

Programisto Fabrice Bellard anoncis atingon de nova rekordo en nombro de postkomaj ciferoj de neracionala matematika konstanto Pi. Bellard elkalkulis ĝin je  2 699 999 990 000 postkomaj ciferoj en dekuma sistemo.

Bellard estas aŭtoro de pluraj metodoj kaj plibonigoj por elkalkulo de Pi, ĝis nun, laŭ haveblaj informoj, la elkallkulita Pi ne estis kontrolita de tria flanko.

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Elŝutu Firefox-kalendaron por jaro 2010

Publikigita Januaro 6, 2010 de Katjo

Sur paĝaro Mozillalinks aperis bela Firefox-kalendaro por jaro 2010. Ĝi estas en grandeco A4 kaj je dispono estas du kolorvariantoj – ruĝa kaj blua.

Eblas eĉ traduki ĝin al aliaj lingvoj! Por tiu celo estas je dispono fontdosiero. Unusola problemo estas, ke la fontdosiero estas docx… do vi korekte malfermos ĝin nur per MS Word 2007.

Kun docx mi havas sufiĉe malbonajn spertojn – mi uzas Linukson kun OpenOffice. Kvankam OpenOffice 3 en Linux Mint malfermis ĝin, la kalendaro estas neuzebla – unuopaj elementoj estas malĝuste aperigitaj – ŝovitaj, en malbona ordo ks. Certe vi konas tian situacion.

Versio 3.1 en komputilo kun Ubuntu 9.10 ankaŭ malfermis ĝin, sed kredu-nekredu, rezulto estis unu belega bufra troo.

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

370 malpermesitaj pasvortoj de Twitter

Publikigita Decembro 29, 2009 de KienLi

En la paĝo https://twitter.com/signup se vi rigardos la kodon de la paĝo, vi rimarkos 370 malpermesitajn pasvortojn, kiujn vi ne sukcesos registri. Krom 123456 tie estas sufiĉe interesaj pasvortoj, kaj eĉ mirinde, kial Twitter opinias ilin evidentaj. Interalie, inter tiuj pasvortoj mankas “esperanto“. 😉 Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Ĉinoj eldonis linuksan distribucion, kiu aspektas kiel Windows XP

Publikigita Decembro 28, 2009 de Katjo

Je la 24-a de decembro ĉina kompanio Rain Forest Wind eldonis novan linuksan distribucion Ylmf OS. Rimarkinde estas, ke ĝi strebas aspekti kiel operaciumo Windows XP. Malgraŭ tio vere temas pri distribucio de Linukso, baze de Ubuntu 9.10, kun ĉina interfaco.

Eĉ al ĝia oficiala retejo gvidas adreso xp.com.

La operaciumo enhavas programon Wine por lanĉi Vindozo-aplikaĵojn, Unrar por malkompaktigi RAR-arkivojn kaj ChmSee por trarigardi Chm-dosierojn, krom ili ankaŭ Firefox, OpenOffice 3.1, Pidgin, FileZilla, Claws, SMPlayer kaj aliajn.

Fonto: ylmf.org, dsl.sk

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Novaj fotografioj kun ekstrema distingivo

Publikigita Decembro 28, 2009 de Katjo

Antaŭnelonge estis en reto publikitaj du fotoj en ekstrema distingivo, laŭ iliaj kreantoj temas eĉ pri rekorda distingivo.

Dresdeno

Inter la novaj fotoj troviĝas foto de Dresdeno kun distingivo 297500 x 87500 rastrumeroj, do entute kun 29 miliardoj da rastrumeroj. Ĝi konsistas el 1665 fotoj kun distingivo 21.4 megarastrumeroj, kiuj estis fotitaj per Canon 5D mark II kaj per 400 mm objektivo, helpe de maŝino, la fotografado daŭris 172 min.

Entute 102 GB da datumoj estis kunigataj per komputilo 94 horojn.

Prago

Panorama fotografio de Prago kun distingivo 192000 x 96000 rastrumeroj (do 18.4 gigamastrumeroj), estis farita fine de oktobro el televida turo Žižkov kaj laŭ informoj ĝi estas la plej granda panorama 360-grada fotografio. Oni fotis ĝin per la sama fotilo, sed kun 200 mm objektivo. Poste 40 GB da fotoj estis kunigitaj per programo PTGui. La kunigado daŭris proksimume unu semajnon, sed aliajn tri semajnojn oni pasigis per alĝustigado, egaligado de kontrasto, koloroj kaj akreco de la unuopaj partoj.

fonto: dresden-26-gigapixels.com, 360cities.net

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Guglo festis Zamenhof-tagon!

Publikigita Decembro 16, 2009 de Katjo

Hieraŭ esperantistoj en la tuta mondo festis la 150-an naskiĝdatrevenon de Ludoviko Zamenhof. Sed ne nur esperantistoj, ankaŭ Guglo aliĝis per sia “donaco” – en la Guglo-logotipo de unuopaj lingvaj versioj (eĉ 33 versioj) ni hieraŭ dum la tuta tago povis vidi Esperanto-flagon. Ĉe la bildeto aperis ankaŭ priskribo “La 150-a naskiĝdatreveno de L. L. Zamenhof, fondinto de Esperanto”, en koncerna lingvo. Post alklako aperis serĉrezultoj por “Zamenhof esperanto”.

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Apple serĉas piratojn elŝutantajn Vindozon 7

Publikigita Novembro 10, 2009 de Katjo

reklamo de Apple en Guglo post enmeto "download windows 7"

Ĉu kompanio Apple pensas, ke la plej verŝajnaj kandidatoj por trairo al operaciumo Mac estas tiuj homoj, kiuj havas piratajn kopiojn de Vindozo 7? Laŭ reklamoj, kiujn ĝi lokigas en Guglo, la situacio vere aspektas tiel.

Se vi pasintsemajne serĉis per Guglo “download Windows 7” aŭ “windows 7 download”, vi povis vidi reklamon de Apple, en kiu ĝi rekomendas al uzantoj trairi al operaciumo Mac OS X. Reklamo de Apple troviĝis dekstre en sekcio “sponsoritaj ligiloj” kaj iam ĝi aperis eĉ super serĉrezultoj.

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Estis evoluiĝita aparato por trarigardado de artikoloj el Vikipedio

Publikigita Oktobro 27, 2009 de Katjo

Reta enciklopedio Vikipedio kunlabore kun kompanio Openmoko evoluigis aparaton, kiu enhavas artikolojn el Vikipedio – Wikireader. Al ĝiaj avantaĝoj aparteas ĉefe monokromata ekrano, kiu plifaciligas legadon de enciklopedio ankaŭ ĉe direkta lumigo, kaj ankaŭ tio, ke interreta konektiĝo ne estas necesa, ĉar aparato mem enhavas pli ol tri milionojn da temoj. Ĝi havas tuŝekranon kaj bezonas du bateriojn AAA, kiuj persistas proksimume unu jaron.

Oficiala retpaĝo ebligas ankaŭ aktualigi ĝian enhavon kontraŭ 29 amerikaj dolaroj (proksimume 19,50 €) kaj en Usono oni nuntempe povas aĉeti la aparaton kontraŭ 99 amerikaj dolaroj (proksimume 66,50 €).

fonto: itnews.sk

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Multplatforma libera programo Game Editor por krei komputilajn ludojn

Publikigita Oktobro 27, 2009 de Katjo

Por ĉiuj, kiuj scivolemas pri kreado de klasikaj “2D platludoj”, estas je dispono open source programo Game Editor. La programon oni uzas por kreado de 2D ludoj por personaj komputiloj kaj porteblaj aparatoj kun platformoj Windows, Linux, Pocket PC, Handheld PC, GP2X kaj smartfonoj surbaze de Windows Mobile. Je dispono estas open source solvo kadre de GPL v3, sed ankaŭ komerca versio kontraŭ 94,95 amerikaj dolaroj.

Avantaĝo de la programo estas tio, ke ne estas postulata kono de programadaj lingvoj. Kreado de ludoj okazas en grafika interfaco, kiu per menuo ebligas agordi parametrojn de figuroj kaj de luda medio. Uzantoj tamen devas scipovi laboron kun grafikaj programoj, por povi krei objektojn kaj figurojn de ludo. Pli detalan kaj trarigardeblan agordon de logiko de ludo ebligas facila kaj intuitiva skripta lingvo, kiun komprenu ankaŭ tiuj, kiuj ankoraŭ neniam programadis (la skripta lingvo estas montrita en aldonita videaĵo).

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone