Guglo komencis ordigi paĝarojn ankaŭ laŭ ilia rapideco

Publikigita Aprilo 12, 2010 de Katjo

Nuntempe estas serĉrezultoj ordigitaj jam ankaŭ laŭ sia rapideco. La pli granda rapideco kompare kun aliaj serĉrezultoj ŝovigas la paĝaron kompreneble supren, la malpli granda rapideco povas kaŭzi, ke via paĝaro aperos pli sube.

La kompanio anoncis tion vendrede: “Same kiel niaj uzantoj, ankaŭ ni trovas rapidecon grava, tio estas kialo, kial ni decidis konsideri en ordigado de paĝaroj ankaŭ ilian rapidecon.” En la anonco Guglo proponas al retejestroj kelkajn senpagajn ilojn, kiujn ili povas uzi por ekscii, kiel rapida estas ilia paĝaro (ekz. la Firefox/Firebug-aldonaĵo Page Speed).

Rapideco havas kompreneble malpli grandan gravecon ol relevanteco. Laŭ la kompanio ĝi nuntempe ŝanĝas ordon de serĉrezultoj nur ĉe unu procento de serĉadoj.

La konsiderado de rapideco validas nuntempe nur por serĉado en google.com, en unuopaj allokigitaj versioj ankoraŭ ne.

Fonto: googlewebmastercentral.blogspot.com

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Francoj luktas kontraŭ la angla

Publikigita Aprilo 7, 2010 de Katjo

Por forigi anglismojn el sia lingvo francoj decidis fari konkurson pri la plej bona franca ekvivalento por oftaj anglismoj kiel chat, tunning, buzz, newsletter kaj talk. Tamen, anstataŭigi la vorton chat per la vorto e-blabla ne plaĉis al komisiono de la konkurso.

La anglaj vortoj, kiuj trairas en aliajn eŭropajn lingvojn, timigas plurajn registarojn kaj lingvosciencajn institutojn. La franca, kiu estis longtempe la ĉefa lingvo de diplomatio, luktas kontraŭ la angla kaj en internaciaj rilatoj, kaj hejme. Anglismoj trairas kaj disvastiĝas en la franca ĉefe pere de interreto. La ŝtata sekretario por Frankofonio Alain Joyandet invitis studentojn helpi – proponi la plej taŭgajn francajn ekvivalentojn.

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Facebook – pligrandigo de fotoj je 42%

Publikigita Marto 12, 2010 de Katjo

La socia reto Facebook pligrandigis la maksimuman grandecon de alŝutitaj fotoj. Ĝis nun ĝi aŭtomate malgrandigadis la fotojn tiel, ke ilia pli longa flanko havu 604 rastrumerojn, tamen nun estas la limigo jam 720 rastrumeroj. Do la entuta areo de foto kreskos je 42 %.

La ŝanĝo tamen koncernas nur novajn fotojn, la antaŭe alŝutitaj aperos plu sen iu ŝanĝiĝo. Laŭ statistikoj de ĉi tiu socia reto ĝiaj datumbazoj kreskas ĉiumonate je 3 miliardoj da fotoj, ĉiumonate estas kunhavigataj 5 miliardoj da ligiloj, notoj, fotoalbumoj ktp. kaj kreataj 3,5 milionoj da eventoj.

Se vi deziras vidi plurajn statistikojn de Facebook, vizitu jenan paĝon.

Jen por komparo ekrankopio de Facebook dufoje kun la sama foto – alŝutita antaŭ kaj post la ŝanĝo:

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Mi petas, priŝtelu min!

Publikigita Februaro 24, 2010 de Katjo

Unu nederlanda paĝaro kun la nomo “Mi petas, priŝtelu min!” publikas nomojn kaj aliajn datumojn de la personoj, kiuj ĝuste nun ne estas hejme. Eble vi kontraŭos, ke tiaj aktivaĵoj ne povas esti tute laŭleĝaj, tamen la informoj estas akirataj el publike haveblaj fontoj – el sociaj retoj. Homoj mem publikas tiajn informojn enrete, kelkfoje eĉ realajn GPS-datumojn pri sia situo.

Aŭtoroj de la paĝaro koncentriĝas pri la ludantoj de la enreta ludo Forsquare, kiu baziĝas sur la informoj pri ilia situo en reala mondo kaj tempo.

Precizajn informojn pri tio, kiu kie ĝuste nun troviĝas, ili akiris direkte de la ludantoj, kiuj decidis aŭtomate sendadi tiajn informojn al la socia reto Twitter.

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Jam 192 milionoj da domajnoj registritaj

Publikigita Februaro 23, 2010 de Katjo

Fine de la jaro 2009 estis en la reto registritaj – komune en ĉiuj domajnoj de la plej alta nivelo – 192 milionoj da domajnoj de la dua nivelo, informis la kompanio VeriSign, administranto de la domajnoj .com kaj .net.

Se ni jenan nombron komparas kun la fino de la jaro 2008, ĝi kreskis je proksimume 15 milionoj da domajnoj, do oni supozas, ke la limon 200 milionoj oni venkos jam ĉijare.

La nombro de la domajnoj .com kaj .net estas kune 96,7 milionoj.

Interesa estas ankaŭ la fakto, ke la 15-an de marto 2010 pasos 25 jaroj ekde la registriĝo de la unua .com domajno symbolics.com.

Do… kion aldoni? Vi ja certe konas la ŝercon:
Anonco en gazeto: “Mi vendos la tutan interreton, registritan sur 100 000 000 DVD-oj. Sen porno sur 2.”

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Kiel rapida estas via konektiĝo al YouTube? Testu ĝin!

Publikigita Februaro 15, 2010 de Katjo

Ĉu vi volas ekscii, kiel rapide ĉe vi rulas videoj en YouTube? En la paĝaro YouTube aperis nova diagnostikilo, kiu diros al vi, kiel rapida estas via konektiĝo. En grafika trarigardo videblas ne nur la kvalito de la konektiĝo, sed ankaŭ la statistikoj de via interret-liveristo, de via urbo, lando aŭ globale.

Se vi volas provi la diagnostikilon, iru al la paĝo youtube.com/my_speed kaj lanĉu la testan videon.

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Nova vasta kampanjo por la subtenado de IKT-kapabloj en Eŭropo

Publikigita Februaro 9, 2010 de Katjo

Eŭropa Komisiono iniciatis la novan projekton e-Skills Week 2010 (Semajno de Elektronikaj Kapabloj). La unua Eŭropa Semajno de Elektronikaj Kapabloj okazis inter la 1-a kaj 6-a de marto 2010 kun celo altigi la informiĝon pri la kreskanta postulado de alte kvalifikitaj fakuloj pri IKT (inform- kaj komunikteknologioj) kaj uzantoj en ĉi tiu fakbranĉo. DIGITALEUROPE kaj Eŭropa Lerneja Reto kune kun 20 naciaj partneroj celas propagandi ekektronikajn sciojn kaj kapablojn kaj samtempe konstrui pontojn, kiuj kunigu diversajn partnerojn.

Celo de la projekto estas surbaze de la datumoj, akiritaj per testado, ekscii kiel kaj kie junaj homoj en la landoj de Eŭropo uzas inform- kaj komunikteknologiojn kaj sur kia nivelo estas iliaj scioj kaj kapabloj en ĉi tiu kampo.

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Legilo de e-libroj Que proReader

Publikigita Januaro 19, 2010 de Katjo

En ekspozicio CES 2010 (Consumer Electronics Show), kiu okazis inter la 7-a kaj 10-a de januaro en Las Vegas, aperis ne nur la legilo Skiff Reader. Kompanio Plastic Logic prezentis novan legilon de e-libroj Que proReader, kiu estas la unua aparato de konsuma elektroniko, kiu uzas organikajn transistorojn.

La organikaj transistoroj estas parto de nigra-blanka tuŝ-elektronikpapero kun diagonalo 27 cm, integrita en Que, kiun produktis kompanio E-Ink. La organikaj transistoroj povas esti produktataj ĉe multe malpli alta temperaturo ol kutimaj siliciaj transistoroj. La ekrano, kiu estis uzita por Que, konsistas el miliono da organikaj transistoroj kaj estas fleksebla, danke al tio preskaŭ nerompebla, tamen troviĝas en firma plasta ingo.

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

OpenStreetMap kaj Google Earth reagas pri la tertremo en Haitio

Publikigita Januaro 19, 2010 de Katjo

La projekto OpenStreetMap, pri kiu ni antaŭnelonge skribis, aktive helpas plifaciligi la situacion en Haitio. Kadre de sia infrastrukturo ĝi publikas liberan kaj tre aktualan mapon de Haitio. Ĉiuj kontribuantoj havas alireblon por ne nur mapoj, sed ankaŭ por datumbazo, por ke ili povu daŭre aktualigi ĝin laŭ aktuala situacio. La mapo estas aktualigata en 5-minutaj tempintervaloj.

Vidu la mapon ĉi tie.

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone

Google Docs ebligos konservadon de iu ajn datumtipo

Publikigita Januaro 15, 2010 de Katjo

La kompanio Guglo aldonos en sian retan pakaĵon Google Docs funkcion por konservado de iu ajn datumtipo.

La funkcio estu pubikita dum sekvaj semajnoj kaj por hejmaj uzantoj, kaj por firmaoj. Uzantoj rajtos konservi ĉiujn siajn gravajn datumojn en unusola loko, kiu fakte estos alirebla de ie ajn. La datumojn oni povos kunhavigi al aliaj uzantoj kaj per tio pli bone kunlabori unu kun la alia.

Legi plu…

Share on FacebookShare on VKShare on Google+Tweet about this on TwitterShare on RedditShare on LinkedInEmail this to someone