Publikigita Junio 21, 2009 de petro666
www.filmoj.net - facila, sed trafa nomo por retejo, kies celo estas okupiĝi pri filmoj en Esperanto. La retejo estas projekto de REJM (Rusia Esperantista Junulara Movado), sub la gvido de Aleksander Osincev.
Jen kion diras la kreantoj mem pri la retejo:
“Vi trafis la blogon, kiu kolektas filmojn, originale kreitajn en Esperanto, filmojn subtekstigitajn kaj voĉigitajn en la lingvo internacia. Jam nun mi diras al vi, ke ni ne deliktas iujn aŭtorajn rajtojn kaj ni ne planas tion fari. Ĉiuj filmoj anoncataj ĉi tie estas reklamaj, certe estas tre konsilinde, ke vi aĉetu filmojn kaj spektu ilin kun niaj subtitoloj.
Nia celo estas utiligi Esperanton en ĉiutaga vivo, kreante la kulturon.”
Certe do bonveniga projekto, kiu espreble evoluos kaj la filmo-kulturo en Esperanto (ĉu teme pri originalaj aŭ subtekstigitaj filmoj) povos pliriĉiĝi danke al ĝi.
span.jajahWrapper { font-size:1em; color:#B11196; text-decoration:underline; } a.jajahLink { color:#000000; text-decoration:none; } span.jajahInLink:hover { background-color:#B11196; }
Kategorio: Amuzaĵoj kaj interesaĵoj, Foto kaj video | Etikedoj: filmoj, subtekstoj | 1 komento
Publikigita Junio 21, 2009 de timsk
Multaj aferoj vere farindaj restas nefaritaj, ĉar mankas homoj por helpi:
- Mi ŝatus vidi spektaklon en la lernejo de mia filo kaj pretus helpi pri la organizado, sed ŝajnas, ke neniu alia pensas pri tio.
- Mi volus fari prelegon dum baldaŭa kongreso sed timas, ke neniu interesiĝus kaj mi ne havus aŭskultantojn.
- Estus utile havi filmilon en nia klubo, sed ni bezonas kontribuon de almenaŭ 10 personoj por aĉeti ĝin.
Ekzistas multlingva retejo, kiu helpas al organizemaj homoj arigi subtenontojn antaŭ ol kune ekagi, kaj ĝi nomiĝas PromesoBanko. Per tiu servo, vi povas afiŝi “promeson” tian: “Mi promesas [fari ion] sed nur se [iu nombro da personoj] [faros ion por helpi].” Ekzemple:
Pro tiu retejo, nun ekzistas en Barato nova porinfana biblioteko; Palestina rifuĝinto nomita Ayman nun pasigas jaron en Svedio ĉe la Internacia Junulara Iniciativo-Programo; 20 ekzempleroj de 1984 estas senditaj al germana ministerio, kaj 645 ekzempleroj de The God Delusion estas senditaj al la brita parlamento; kaj multaj aliaj indaj agoj sukcese fariĝis.
Por ĉiu promeso, vi havas la eblecon presi speciale adaptitajn reklamfoliojn, kiujn vi povas disdoni por allogi subtenontojn. Ekzistas Facebook-aplikaĵo por la servo, per kiu oni povas krei kaj subskribi promesojn. Kaj se vi loĝas en Britio, vi povas eĉ subskribi promeson per SMS-mesaĝon de via poŝtelefono.
La servo ekzistas jam en 14 lingvoj, inkluzive Esperanton, kun du pliaj preparataj (la bulgara kaj la finna).
Do jen — ek al la kreo de via unua promeso!
PS Se eventuale vi ŝatus helpi prepari tradukon en via lingvo, skribu al team@pledgebank.com kaj mi tuj respondos!
span.jajahWrapper { font-size:1em; color:#B11196; text-decoration:underline; } a.jajahLink { color:#000000; text-decoration:none; } span.jajahInLink:hover { background-color:#B11196; }
Kategorio: Interreto kaj komunikado, Projektoj kaj aranĝoj | Etikedoj: organizi, retejo, retservo | Neniuj komentoj
Publikigita Junio 21, 2009 de timsk
Post mia antaŭa blogaĵo pri Doodle.ch, ili refaris kaj plibonigis la interfacon de sia servo. Ĝi nun estas pli klara kaj iom pli facile uzebla, sed la baza servo estas sama kiel antaŭe.
Kiel promesite, jen kelkaj pliaj konsiloj pri la uzo de la servo.
Dum la kreo de via demandilo, oni proponas al vi butonon “Agordaĵoj” per kiu vi povas elekti el kvar tipoj de demandilo:
- “Jes-ne-eventuale”, kie partoprenantoj povas respondi ne nur “jes” kaj “ne”, sed ankaŭ “eventuale, se vere bezonata”. Tre utila.
- Kaŝita demandilo, per kiu nur la kreinto vidas la rezultojn, ne la partoprenantojn. Povas esti utila por eviti, ke la jamaj respondoj influas la venontajn respondontojn.
- Permesu nur po unu respondon persone, por rajtigi al partoprenontoj fari nur unu elekton el la eblecoj.
- Permesu, ke ĉiu ebleco elektiĝu nur unufoje, se ekzemple por elekti kiu kunportos kion por fari hejman manĝofeston.
Kiel kreinto de iu demandilo, vi ricevos retmesaĝon kun ligilo, per kiu vi povos aldoni aŭ ŝanĝi la elekteblecojn. Atentu, tamen — se vi ŝanĝas la nomon de iu kolumno, ĉiu jam donita respondo por tiu kolumno estos forigita. Notu ankaŭ, ke ĉiu partoprenanto fakte rajtas ŝanĝi ies ajn respondojn per ligilo sub la demandilo; tio funkcias nur en situacioj, kie ĉiu fidas la aliajn.
Kaj fine: sekreto, kion oni ne trovas en la publika retejo — vi povas certiĝi, ke la interfaco aperos esperantlingve se vi aldonas &locale=eo al la URL. Do anstataŭ dissendi tion:
http://doodle.com/participation.html?pollId=5pq8wtacps65ufhw
vi anstataŭ sendu tion:
http://doodle.com/participation.html?pollId=5pq8wtacps65ufhw&locale=eo
Bonan organizadon!
span.jajahWrapper { font-size:1em; color:#B11196; text-decoration:underline; } a.jajahLink { color:#000000; text-decoration:none; } span.jajahInLink:hover { background-color:#B11196; }
Kategorio: Aparataro kaj akcesoraĵoj, Senkategoria | Etikedoj: Doodle | Neniuj komentoj
Publikigita Aprilo 22, 2009 de yves
Komence de semajno aperis kolektiva blogo pri fama produkto de Apple.
Kelkaj fanatikuloj kunordigataj de Aleksander OSINCEV (Rusio) prezentos al esperantligva publiko ĉiujn avantaĝojn de iPhone en kelkaj kategorioj: programoj, esperantigo, novaĵoj, plurmedio, diversaĵoj. Oni planas esperantigi iPhone kiel eble plej plene kaj pri tio jam aperis ideoj kaj komenciĝis laboro.
iPhone jam iĝis internacia poŝtelefono kun riĉaj funkcioj, do tute logike estus uzi ankaŭ internacian lingvon por paroli pri iPhone kaj kunlabori internacie por krei ion, kio estos utila por diversaj homoj. Fari tion oni povas nur kune, kaj se vi havas deziron paroli pri via adoraĵo, venu, komentu kaj ĝuu.
Cetere vi povas eniri skipon de aŭtoroj aŭ simple skribi fojfoje artikolojn pri tio, kio vin plej interesas. Blogo estis konstruita sur esperantigita Wordpress, ĉiuj gravaj por komunikado kaj funkciado de blogo servoj ankaŭ estas esperantigitaj, do kunlaboro povas funkcii senĝene.
Por nia lingvaĵo estu komprenata, ni kompilis ĝisdatigotan terminokolekton pri iPhone kaj malgrandan vortareton kun tiuj terminoj. Ni pretas enlistigi ankaŭ viajn terminojn, kiuj nun mankas. Baldaŭ aperos novaĵoj pri esperanta klavaro kaj esperantlingvaj programoj.
Retadreso de blogo: http://iphoneo.info
Kategorio: Interreto kaj komunikado, Programaro kaj sekureco | Neniuj komentoj
Publikigita Aprilo 1, 2009 de KuboF
Tiu ĉi serio da artikoloj pri Mozilla estas eldonata en kunlaboro kun Pavel “JasnaPaka” Cvrček (de Ĉeĥujo), kiu en sia blogo skribas pri aktualaĵoj de Mozilla kaj similaj temoj.
Firefox 3.1 renomita al Firefox 3.5
Oni planis eldoni Firefox 3.0 kun iaj specialaj funkcioj kiuj poste pro nesufiĉa tempo estis ellasitaj. Tiujn funkciojn oni do planis aldoni al, laŭplane post mallonga tempo eldonota, Firefox 3.1. Numero de versio 3.1 signufus ke en tiu versio ne estas multaj novaĵoj, ĉefe nur tiuj, kiuj en plu povis eniri 3.0. Poste kiam Google eldonis sian propran krozilon, Google Chrome, kaj Microsoft progresis kun Internet Explorer 8, Mozilla bezonis reagi al konkurantoj kaj ege plibonigi sian krozilon. Kaj, kompreneble, tiuj plibonigoj retenis eldonon. Antaŭnelonge oni ekis diskuti ĉu versinumero 3.1 bone prezentas kvanton de nove aldonitaj funkcioj. Rezulto de tiuj ĉi duskutoj estis renomigo de Firefox 3.1 al Firefox 3.5.
Tiu ĉi renomigo havas ankaŭ psikologian aspekton. Numero 3.5 ekscitas senton ke la krozilo estas pli bona ol 3.1.
Neplanitaj novaĵoj en Firefox 3.5
Kiel mi jam skribis Mozilla ne-laŭplane aldonis multajn novajn funkciojn al Firefox 3.5. Ekzemple nuntempe estas plirapidigata ĝavoskripto. Tial malfirmiĝis la fenestro por aldoni novajn funkciojn. Tiuj funkcioj ne estos grandaj, ĉefe nur plibonigos defaŭltajn valorojn, kun iometaj plirapidigoj.
Firefox 3.5 beta 4 planita por la 14-a de aprilo
Post Firefox 3.1 beta 3 alvenos Firefox 3.5 beta 4. Ĉar programistoj havis iajn problemojn kun ĝavoskripto ili bezonis eldoni, antaŭe neplanitan, kvaran beta-version. Firefox 3.5 nun estas preskaŭ finita kaj havas ĉiujn funkciojn. Nur necesas ripari erarojn en ĝavoskripto. Ĉefe pro tio estis aldonita la 4-a beta versio.
Pli rapida postkolapsa riparado de folioj en Firefox 3.6
Reale ĉi tiu teksto rilatas al Firefox 3.6, sekvanta versio post nuntempe programada versio 3.5. Unu el novaĵoj de Firefox 3.0 estis postkolapsa riparado de folioj. En versio 3.6 ankaŭ tio ĉi estos plibonigita. Prioritate ripariĝos folioj, kiujn uzanto vidos. Alivorte, se uzanto havas multajn foliojn, tiam tiuj, kiuj estas montrataj sur ekrano, estos ŝarĝataj unue. Nur poste estos ŝarĝataj ankaŭ folioj elrulumitaj eksterekrane.
Fennec 1.0 beta 1 estas eldonita
Firefox por porteblaj aparatoj, programita sub kaŝnomo Fennec, estis eldonita en versio 1.0 beta 1. Tiu ĉi versio plibonigas ĉefe la rapidecon kaj fortikecon de la programo. Ankaŭ estas aktivigita subteno por kromprogramoj, ĝavoskripto estas plirapidigita kaj legosignaj ebloj plibonigitaj. Pli detalaj informoj estas en la eldonnotoj. La unua betaversio disponeblas por platformo Maemo sed en eldonnotoj estas menciitaj ankaŭ versioj por Windows kaj Linux. Baldaŭ disponeblos ankaŭ unua alfaversio por Windows Mobile kaj Symbian.
Mozilla-programoj en multaj lingvoj
La lasta betaversio 3.1/3.5 de Firefox estas disponebla en 62 tradukoj. Tiu numero tamen ne estas fina ĉar komplete ĝi estas tradukata al 70 lingvoj. Kaj aliaj verŝajne sekvos. 70 estas bela numero, sed la konkuranta Internet Explorer 7 estas tradukita al 77 lingvoj.
Ankaŭ tradukado de Thunderbird 3 aktivas. Nuntempe ĝi haveblas en 54 lingvoj kaj unu estas ankoraŭ prilaborata. Pozitiva informo estas ke nur en la pasinta duonjaro oni aldonis 10 tradukoj. Thunderbird 2 estis tradukita al nur 38 lingvoj; tio signifas kreskon je 17 lingvoj.
Kategorio: Programaro kaj sekureco | Etikedoj: Fennec, Firefox, krozilo, Mozilla, Thunderbird, traduko | 1 komento
Publikigita Marto 17, 2009 de petro666
Per kiu programo malfermi nekonatajn formatojn de dokumentoj?
Respondi tiun ĉi demandon helpos ekde nun programar-pakaĵo “OpenWith”.
Propono elekti programon por dosiero
Ĝia avantaĝo estas, ke ne nur proponos kelkajn alternativojn de libere uzeblaj/haveblaj programaroj, sed ankaŭ direktigos vin al ilia elŝuto.
OpenWith integriĝas en konteksta menuo de la esplorilo, kie vi trovos ĝin sub la dosiero „How do I open this?“ (Kiel mi malfermos tion ĉi?) Post alklako malfermiĝos dialoga fenestro, en kiu estas identigita dosier-tipo laŭ ĝia finaĵo kaj listo de libere haveblaj programoj por ĝia malfermo.
Nuntempe estas en datumbazo pli ol 300 diversaj tipoj de dokumentoj kaj proksimume 100 programaroj por ĝia uzado.
Instalpakaĵon de la programo OpenWith vi trovos ĉe adreso: http://www.openwith.org/ Destinita estas por Vindozo.
Rim.: Artikoleto estas traduko de la slovaklingva informo.
Kategorio: Programaro kaj sekureco | Etikedoj: programaro, Vindozo | Neniuj komentoj
Publikigita Marto 14, 2009 de petro666
Sian imagon pri la mondo post 10 jaroj - en 2019 decidis filme prezenti teamo de Microsoft Office Labs. Kunligu profesiulojn de “Hi-Tech” mondo kun la buĝeto de kinofilmo kaj vi ricevos vizion de estonteco, kiun certe kelkaj el ni jam ŝatus havi tuj :).
Esprimo "labortablo" ricevos baldaŭ sian veran signifon.
Video kun facila kaj trafa nomo “2019″ malkaŝas bildon de ebla proksima estonteco kaj teknologioj, kiuj iom post iom eniru nian ĉiutagan vivon. La filmon prezentis dum lasta konferenco estro de merkata divizio de Microsoft - Stephen Elop.
Certe kelkaj prezentitaj “mojosaĵoj” estos bonaj, utilaj helpiloj en ĉiutaga vivo en proksima estonteco. Ni do post 10 jaroj vidu, kio ĉio de la filmo realiĝos ĝis tiam kaj pri kio ni daŭre devos atendi kelkajn pliajn jarojn … Ĉiukaze aspektas kiel interesa estonteco. Ni nur esperu ke ĝi ne estos tuta sub licencoj de “Fenestroj” kaj tamen restos spaco por liberaj platformoj (kiuj laŭprognoze devus tamen kreski).
Legi plu…
Kategorio: Amuzaĵoj kaj interesaĵoj, Foto kaj video | Etikedoj: estonteco, Microsoft | Komentoj (3)
Publikigita Marto 8, 2009 de Viliam
Vidinte la unuan duonon de la titolo, ĉu vi esperis je io serioza? Do, tio dependas je kiom serioze vi interesiĝas pri logikaj komputilaj ludoj. 
Legi plu…
Kategorio: Ludoj | Etikedoj: fervojo, homaj rajtoj, logika, ludo, vagonaro | Komentoj (5)
Publikigita Marto 2, 2009 de KuboF
Saluton kaj bonvenon ĉe nova seriaĵo pri novaĵoj de Mozilla. Mi ĉiumonate vin informos pri interesaĵoj, novaj projektoj kaj aliaĵoj rilataj al la firmao Mozilla Corporation kaj ĝiaj idaj firmaoj.
La tuta unua parto estas dediĉita al novaĵoj en, ankoraŭ neeldonita, foliumilo Mozilla Firefox 3.1 Legi plu…
Kategorio: Programaro kaj sekureco | Etikedoj: Firefox, foliumilo, krozilo, Mozilla | Neniuj komentoj
Publikigita Februaro 15, 2009 de KuboF
Chris Duckett kaj Alex Serpo de la retpaĝaro ZDNet Australia faris etan eksperimenton. Ili iris tra la stratoj de Sydney kun portebla komputilo kaj montradis al homoj novan version de KDE 4. Sed ili diris ke ĝi estas nova testa versio de Windows 7. Tiu ĉi esplorado montris ke homoj malŝatas na Windows Vista, kaj ke la montrita sistemo aspektas pli bele kaj simple. Interesaj estas ankaŭ respondoj al demando ĉu homoj ŝanĝos sian nuntempan Vindozon kaj ekuzos la montritan “Vindozon”: “Certe, ĝi aspektas simile al Apple.” aŭ “Jes, ĝi aspektas pli simple.” Legi plu…
Kategorio: Amuzaĵoj kaj interesaĵoj | Etikedoj: Compiz, KDE, Linux, Windows | 1 komento
